اسلام آباد۔29جنوری (اے پی پی): امریکہ ءِ سرمایہ کار جنٹری بیچ ءِ سروکی ءَ میاں اوستمانی سرمایہ کار آنی ڈل ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ پاکستان ءِ مزنیں سرمایہ کاری گنجائش ءُ اقتصادی گنجائش ءِ سر ءَ ھیال ریچی کنگ بوتگ۔ گند ءُ نند ءِ تہ ءَ نائب مزن وزیر ءُ درئی کارانی وزیر اسحاق ڈار، وفاقی وزرا محمد اورنگزیب، عبدالعلیم خان، عطاء اللہ تارڑ، وزیر مملکت علی پرویز ملک اور معاون خصوصی طارق فاطمی ھم ھوار بوتگ اَنت۔ اے موہ ءِ سر ءَ مزن وزیر ءَ پاکستان ءَ کاروباری موہ آنی تہ ءَ سک باز دلگوشی ءِ منت گپت ءُ سازگاریں کاروباری ماحول، ترند ءُ برجائی ءِ سر ءَ عمل درآمد ءُ مھکمیں اڈارگی کمک ءَ را دل یکیمی کنگ ءِ وسیلگ ءَ درملکی سرمایہ کار آناں آسراتی ءِ واستہ حکومت ءِ عزم ءِ سر ءَ پدا زور پر دات۔ مزن وزیر ءَ پاکستان ءِ اسٹریٹجک جغرافیائی جاہ، ہنرمند، باصلاحیت ءُ ورنائیں کارکن ءُ صارفین ءِ مارکیٹ ءَ را ترندی ءَ گوں گیش بوھوکیں صارفین ءِ مارکیٹ ءِ سر ءَ زور پر دات ءُ ملک ءِ یک جھان ءِ سرمایہ کاری ءِ منزل ءِ رنگ ءَ منفردیں نڈارگ ءِ سر ءَ زور پر دات۔ جنٹری بیچ ءَ پاکستان ءِ بے دروریں اقتصادی توانائی ءِ توسیپ کنان ءَ کان کنی ءُ معدنیات، قابل تجدید توانائی، بنیاتی ڈھانچہ ءِ دیمروئی، ءُ ٹیکنالوجی ءَ ھوار کلیدی شوبگ آنی تہ ءَ جتا جتائیں سرمایہ کاری ءِ موہ آنی شوھازگ ءِ تہ ءَ دلگوشی ءِ درشانی کت۔ آئی ءَ حکومت ءِ سرمایہ کاری دوستیں پالیشی آنی سر ءَ دل یکیمی ءِ درشان کت ءُ ملک ءِ آیوکیں دیمروئی ءِ موہ ءِ سر ءَ دل یکیمی کت۔ اے مزنیں تک ءِ دیوان ءَ چہ درملکی براہ راست سرمایہ کاری ءِ راجینگ، پائیڈار اقتصادی دیمروئی ءِ دیمروئی ءُ پاکستان ءِ اُلس ءِ واستہ روزگار ءِ موہ پیداک کنگ ءِ واستہ حکومت ءِ سرگرمیں کوشست آنی درشان اِنت۔
