اسلام آباد۔29جنوری (اے پی پی):صدر آصف علی زرداری ءَ چینی نوکیں سال/بہار ءِ میڑا ءِ آیگ ءِ موہ ءَ چین ءِ راج دپتر ءِ صدر شی جن پنگ ءَ را دل ءِ جہلانکی ءَ چہ مبارک بات دات۔ چار شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ وتی نمدی ءِ تہ ءَ پاکستان ءُ چین ءِ نیام ءَ ’’آہنی دوستی‘‘ ءَ را مھکم کنگ ءِ واستہ وتی عزم ءِ یک رندے پدا گوشت کہ بیجنگ دو نیمگی کمک ءَ را مھکم کنگءُ بندوک آناں دیم ءَ برگ ءِ واستہ جزم اِنت۔ دوستی ءِ من چینی صدر ءِ گوما گپ ءُ تران کنگ ءِ ودار ءَ آں ۔ آئی ءَ گوشت کہ پاکستان “یک چین” ءِ پالیشی ءِ سر ءَ مھکمیں رنگ ءَ مان ایت کہ مئے دری پالیشی ءِ مستریں کنٹگ اِنت۔ صدر ءِ مملکت ءَ گوشت کہ دوئیں ملک آنی نیام ءَ یک مدام سبزیں اسٹریٹجک کوآپریٹو شریکداری ءِ است انت، ءُ دوئیں ملک آنی سروکی ءِ یکے پد دومی نسل آنی بے مٹیں کوشست آنی سبب ءَ بین ریاستی سیادی آنی اے یک جتائیںءُ مثالی بندش ءِ دیمروئی ءُ مھکم کنگ بوتگ۔نمدی ءِ تہ ءَ صدر ءِ مملکت ءَ پاک چین ءِ سیادی ءُ چین پاکستان ءِ اقتصادی راہداری ءَ را دیم ءَ برگ ءِ واستہ وژنری سروکی ءِ پد ءَ چینی صدر ءِ شگرءُ منت گپت۔ ملک مستر ءَ پاک چین سیادی ءَ را گیش کنگءَ صدر شی جن پنگ ءِ ہمراہ داری حاس چین پاکستان اقتصادی راہداری ءَ را گیش دیمروئی دئیگءَ آئیءِ ہمراہ داری کنگءِ دلءِ جہلانکءَ شکرءُ منت گپتگ۔ آئیءَ گشتگ کہ چین ءَ 2024 ءَ بازیں پڑآں بے مٹیں دیمروئی کتگ۔ ملک مستر آصف علی زرداری ءَ نمدی ءَ پاکستان ءُ چین ءِ نیام ءَ محکمیں ءُ دراج بُرایں سنگتی ءَ را ساڑاتگ۔ پاکستان ملک مسترءَ ملک مستر شی جن پنگ ءِ جانءُ سلامتی، چینی اُلس ءِ دیمروئی ءُ وشھالی ءِ ھاترءَ نیکیں وائشتانی درشانی کتگ۔
