جمہوریہ کانگو نا ودوک  آ تنکی نا ہچ ءُ فوجی ایسر اس اف، فریق آتا نیام اٹ گپ وتران آ بایدے چکار کننگے، منیر اکرم

اقوام متحدہ۔ 29 جنوری (اے پی پی) پاکستان پارینے کہ جمہوریہ کانگو ٹی برجا جھیڑہ نا ہچ ءُ فوجی ایسر اس اف و داسہ فریق آتا نیام اٹ گپ وتران آ چکار کننگے۔ داہیت ءِ اقوام متحدہ ٹی پاکستان نا آخبتی مندوب منیر اکرم تدوک آ دے اقوام متحدہ نا سلامتی کونسل نا ہلہلہ ئی دیوان اٹی پارے۔ روانڈا نا مخ تفوک ایم۔23 باغیک جمہوریہ کانگو نا دے ٹکی بشخ انا غٹ آن بھلا شار گومانا کنٹرول ءِ سنبھالار۔ پاکستانی مندوب دا بابت اقوام متحدہ نا ہلہلہ ئی دیوان اٹی زور شاغسا پارے کہ نن روانڈا و جمہوریہ کانگو آن دشمنی ءِ بند کننگ و انگولا نا صدر جواؤلورینکو نا ثالثی نا سرکڑدہ ئی ٹی مذاکرات نا لوانڈا نا عمل ءِ دمدستی وڑاٹ بحال کننگ نا خواست کینہ۔ 15 باسکی سلامتی کونسل ودوک آ تنکی آ مسہ دے اٹی ارٹ میکو وار دیوان نا انعقاد کرینے۔ پاکستانی مندوب پارے کہ ایم 23ایم۔23 بھلو کچ اسے آ گوماآ کنٹرول کننگ ءُ۔ اوداہیت انا کنڈآاشارہ کرسا پارے کہ داوخت آ ہزار آ بندغ آک ہمپنگ اٹی ءُ  و اقوام متحدہ و ایلو امن دستہ غاتے مارٹرو چنکا سلہہ غاتا سم کاری اٹ مروک آ جلہو آتا مون تروک ءِ۔