بنجاھی وزیر تجارت جام کمال خان ءَ یورپی یونین ءِ انسانی حقانی ھاسیں نمائندہ ءَ گوں گند ءُ نند کتگ، پاکستان ءُ یورپی یونین ءِ نیام ءَ شریکداری ءَ را مھکم کنگ ءِ سر ءَ تپاک

اسلام آباد۔28جنوری  (اے پی پی): یورپی یونین ءِ انسانی حقانی ھاسیں نمائندہ سفیر اولاف سکوگ ءَ گوں بنجاھی وزیر تجارت جام کمال خان ءَ گند ءُ نند کتگ۔ وزارت ءِ نیمگ ءَ جاڑی بوتگیں بیان ءِ رد ءَ سئے شمبے ءِ روچ ءَ برجم داشتگیں گند ءُ نند ءَ تجارتی ءُ اقتصادی کمک ءِ وسیلگ ءَ پاکستان ءُ یورپی یونین ءِ نیام ءَ شریکداری ءَ را مھکم کنگ ءِ راہ آنی سر ءَ ھیال ریچی کنگ بوتگ۔ دیوان ءِ مول ءُ مراد جنرلائزڈ اسکیم آف پریفرنسز پلس ءِ چیر دستی ءَ تجارتی آسراتی آناں برجم دارگ ءُ میاں اوستمانی معاہدہ آنی سر ءَ عمل کنگ ءَ را دل یکیمی کنگ بوتگ ایشی ءِ تہ ءَ پاکستان ءِ نیمگ ءَ دستخط کتگیں 27 میاں اوستمانی کنونشنز آنی سر ءَ عمل کنگ ءِ سر ءَ گپ ءُ تران کنگ بوتگ۔ معیار، ءُ نیکیں حکومت داری ءِ بنجاھی وزیر تجارت جام کمال خان ءَ اے معاہدہ آنی سر ءَ عمل کنگ ءِ پاکستان ءِ عزم ءِ دوبر پدر کت ءُ گوشت کہ ما ایوک ءَ اے تک آنی تہ ءَ گہتری کت کن ایں ما اے کار ءَ را میاں اوستمانی ذمہ واری آنی رنگ ءَ نہ کن ایں بلکیں راج ءُ حکومت ءِ شری ءِ واستہ کنگ ءَ ایں ۔ .سفیر اولاف سکوگ ءَ یورپی یونین ءِ گوما پاکستان ءِ فعالیں ھوار بوھگ ءِ توسیپ کت ءُ جی ایس پی پلس ءِ فریم ورک ءِ چیر دستی ءَ پاکستانی برآمد کنوک ءُ درآمد کنوک آناں داتگیں ترجیحی سلوک ءِ سر ءَ چمشانک دات۔ آئی ءَ کثیر جہتی انسانی حقانی فورم آنی سر ءَ یورپی یونین ءُ پاکستان ءِ نیام ءَ مھکمیں کمک ءِ واھشت ءِ ھم درشان کت کہ گوستگیں سال ءَ حکومت ءَ را اقتصادی چیلنج آنی باوجود حکومت ءَ مہنگائی ءُ سود ءِ شرح ءَ را کم کنگ ءَ سوبین بوتگ۔ پیشرفت بوتگ دوئیں نیمگ ءَ پاکستان ءِ جی ایس پی پلس ءِ اہلیت ءَ را برجم دارگ ءِ واستہ کمک ءَ را گیش کنگ ءِ سر ءَ تپاک کنگ بوتگ وھدیکہ وت مہ وتی جیڈھ آناں گیواری کنگ بوتگ۔ وزیر تجارت ءَ معاہدہ آنی سر ءَ عمل کنگ ءَ را دل یکیمی کنگ ءِ واستہ معاہدہ ءِ سر ءَ عمل درآمد سیل ءِ چیر دستی ءَ گامگیج زورگ ءِ حکومت ءِ عزم ءِ سر ءَ یک رندے پدا گوشت۔ وزیر تجارت جام کمال خان ءَ گوشت کہ یورپی یونین پاکستان ءِ یک ھاسیں شریک انت، مارا وتی تجارتی ءُ سفارتی سیادی ءَ را ارزشت دات۔