اسلام آباد۔28جنوری (اے پی پی): مزن وزیر محمد شہباز شریف ءَ ورنا آناں بدلی ءِ پیش گوئی لیک اتگ ءُ گوشت کہ راجی دیمروئی ءِ تہ ورنا آنی کرد ءَ را گیش کنگ ءِ ضلورت انت ءُ وانگ ءُ زانگ ءِ دیمروئی ءَ چہ ورنا آناں توانمند کنگ بہ بیت۔ ورنا پرامن ءُ وشھالیں باندات ءِ ضمانت انت، اے چیلنج آنی گیواری ءِ تہ ءَ دولت مشترکہ ءِ باسکیں ملک آنی نیام ءَ شریکداری ءِ واستہ جوانیں پلیٹ فارم انت، مزن وزیر ءِ ورنا پروگرام ورنا آنی دیمروئی ءُ وشھالی ءِ واستہ پرچم بردار پروگرام انت۔ ایزر ءَ سئے شمبے ءِ روچ ءَ دولت مشترکہ ایشیا یوتھ الائنس ءِ سروک دیوان ءِ بنداتی دیوان ءَ گوں تران کنان ءَ مراگش ءَ بنجاھی وزیر، پارلیمنٹ ءِ باسک، درملک ءِ نمائندہ، راجی ورنا کونسل ءِ باسک ءُ سفارتکار ھم ھوار اتنت۔ اے موہ ءِ سر ءَ مزن وزیر ءَ دولت مشترکہ ایشیا یوتھ الائنس سیکرٹریٹ ءِ ھم بنگیج کت۔ مزن وزیر ءِ حکومت ئُُ الس ءِ نیمگ ءِ سروک دیوان ءِ بہر زوروک آناں وش اتک کنان ءِ گوشت کہ دولت مشترکہ ءِ ورنا سروک دیوان ءِ میزبانی ءِ کنگ ءِ چہ وشی ءِ آں مزن وزیر ءِ گوشت کہ پاکستان دولت مشترکہ ءِ بُن ھشت ایر کنوکیں باسک اِنت ایشی ءِ مزنیں ارزشت ءِ دنت۔ دولت مشترکہ ءُ آئی ءِ ادارہ شریکداری ءُ تپاکی ءِ جوڑ کنگ ءِ ھاتر ءَ یک ھاسیں پلیٹ فارم ءِ دیم ءَ کاریت، دولت مشترکہ ءِ 60 درسد آبادی 30 سال ءَ کم عمر انت۔آئی ءَ گوشت کہ دولت مشترکہ ءِ ملک آنی آیوکیں وھد ءِ ورناہ آنی سر ءَ بندوک انت، مارا 2019 ءِ استعداد آناں دیمروئی دیگی انت۔ ورنا، ورنا آناں نوکیں ٹیکنالوجی ءُ تکنیکی وانگ ءُ زانگ ءَ چہ لیس بہ کنت، ورنا امن ءُ ایمنی ءِ باندات ءِ ضمانت انت۔ مزن وزیر ءَ گوشت کہ پاکستان ءِ 70درسد آبادی ءِ عمر 30سال ءَ چہ کم انت، ما اے توان ءَ چہ جوانیں رنگ ءَ سرپد ایں ءُ ما ایشی ءَ را یک انچیں موہ ءِ تہ ءَ بدل کت کن ایں کہ پاکستان ءِ دیمروئی ءُ وشھالی ءِ تہ ءَ سرجمیں رنگ ءَ کرد پیلو کت کنت۔ مزن وزیر ءَ گوشت کہ ورنا ایوک ءَ باندا ءِ سروک نہ اَنت بلکینگ ءَ مرچی ورنا آناں نوکیں ٹیکنالوجی ءُ تکنیکی وانگ ءُ زانگ ءِ گوما آشنا کنگ لوٹ ایت آھاں راج جوڑیشت ءِ کوشست آنی تہ ءَ سرجمی ءَ ھوار بوھگ ءِ ضلورت اِنت۔ ورنا آناں بااختیار کنگ ءِ ھاترا توانائی ءِ درشانی است انت، ورنا بدلی ءِ وعدہ انت، ءُ راجی دیمروئی ءُ پالیسی سازی ءِ تہا آہانی کرد ءَ را گیش کنگ ءِ ضلورت انت۔ راج جوڑ کنگ ءُ دیمروی ءِ تہا ورناہانی کرد ءِ سرا چم شانک دیگ نہ بیت۔ مزن وزیر ءَ گوشت کہ من مدام ورنا آنی دیمروئی ءُ گہبود ءِ سر ءَ دلگوشی داتگ ءُ وتی سرجمیں سیاسی زند ءَ ورنا آناں توانمند کنگ ءِ واستہ گامگیج چست کتگ مزن وزیر ورنا آنی پروگرام ورنا آنی دیمروئی ءُ گہبود ءِ واستہ پیسریگیں فلیگ شپ پروگرام اِنت۔ مزن وزیر ءَ گوشت کہ نواز شریف ءَ ورنا آنی واستہ بازیں موہ دات ءُ ایشانی واستہ بازیں پروگرام بندات کت ما سرجمیں پنجاب، آزاد کشمیر، گلگت بلتستان، بلوچستان ءُ ایندگہ دمگ آنی تہ ءَ ڈنی اسکول جوڑ کتگ تانکہ نودربر آناں معیاری وانگ ءُ زانگ پجارینگ بوھگ ءَ انت۔ دوریں دمگاں ہم ورناہانی وشحالی ءُ دیمروئی ءِ ھاتر ءَ پنجاب ءُ بنجاھی حکومت ءَ بازیں منصوبہ بندات کتگ انت ایشی ءِ تہا پنجاب ایجوکیشن اینڈومنٹ فنڈ ءِ وسیلگ ءَ کمیں مالی وسیلگ ءِ واھندیں نودربراں اسکالرشپ ءِ پھجارینگ ءَ را دل یکیمی کنگ ھوار انت۔ آئی ءَ گوشت کہ نودربر آناں لیپ ٹاپ ءِ پجاری یک سکیں ھاسیں منصوبگ اِنت ایشی ءِ وسیلگ ءَ نودربر وتی وانگ ءُ زانگ ءِ لوٹ آناں پیلو کن اَنت مزن وزیر ءَ گوشت کہ آزات کشمیر، گلگت بلتستان ءُ بلوچستان ءَ ھوار سرجمیں ملک ءَ نودربر آناں لیپ ٹاپ پجاری کنگ بوھگ ءَ اِنت۔ مزن وزیر ورنا پروگرام ءِ وسیلگ ءَ 6لکھ باصلاحیت ءُ مستحقیں نودربر آناں لیپ ٹاپ پجارینگ بوتگ اے لیپ ٹاپ کورونا وائرس ءِ جھان ءِ وبا ءِ وھد ءَ وانگ ءُ زانگ ءِ وسیلگ جوڑ بوتگ انت۔ مزن وزیر ءَ گوشت کہ وانگ ءُ زانگ ءِ دیمروئی ءَ چہ ورنا آناں بااختیار کنگ بوت کنت، ءُ مئے آیوکیں باندات بااختیار ورنا آنی دست ءَ انت ایشی ءَ چہ پیسر چیئرمین مزن وزیر ورنا پروگرام رانا مشہود احمد ءَ نمائندہ آناں وش اتک کت ءُ گوشت کہ دمگی کمیونٹی ءِ بستار آئی ءِ ادا ھست بوھگ انت۔ یکوئی ءِ جذبہ ءِ عکس آئی ءَ گوشت کہ دولت مشترکہ ایشیا ءِ ورنا آنی سیکرٹریٹ ءِ جوڑ کنگ وش اتک ءُ پاکستان ءِ ورنا آنی سر ءَ دل یکیمی ءِ درشان اِنت۔ آئی ءَ گوشت کہ دولت مشترکہ ایشیا یوتھ الائنس ورنا آنی سروکی ءِ متحرکیں کرد ءَ را مھکم کنگ ءِ واستہ جوانیں پلیٹ فارم ءِ پجاری کنت ءُ ایشی ءَ چہ مئے راج آنی ورنا نسل ءِ نیام ءَ گپ ءُ تران ءِ دیمروئی ءَ را آسراتی رس ایت۔ اے پلیٹ فارم ءَ چہ ورنا آنی واستہ فعال موہ رس ایت کہ آ دیمروئی، جدت، ءُ شمولیت ءِ عمل ءِ تہ ءَ سروکیں کرد پیلو بہ کن اَنت، ءُ ھما وھد ءَ کہ دیم ءَ آؤرتگیں وژن ءِ سر ءَ عمل کنگ بہ بیت۔ رانا مشہود ءَ گوشت کہ استیں حکومت ورنا آنی صلاحیت آناں گیش کنگ ءُ زندمان ءِ ھمک پڑ ءَ دیم ءَ روگ ءَ کمک کنگ ءِ واستہ دور رسیں گامگیج کنگ ءَ انت۔ آئی ءَ گوشت کہ نوکیں نسل ءَ را موہ پجاری ءُ آھاں بااختیار جوڑ کنگ ءَ چہ ملک دیمروئی کنت پرچا کہ باندا ھمے ورنا ملک ءِ باگام ءَ وتی دست ءَ زور اَنت آئی ءَ گوشت کہ ڈینش اسکول ءِ وڑیں گامگیج ءُ ورنا آناں وام پجاری ءِ ستا کرز اَنت۔ بنداتی گشتانک دیوان ءَ دولت مشترکہ ءِ سیکرٹری جنرل ءِ نیمگ ءَ چہ ویڈیو پیغام ھم شنگ کنگ بوت کہ ایشی ءِ تہ ءَ پاکستان ءِ حکومت ءِ ورنا آنی دیمروئی ءِ تہ ءَ پیشرفت ءُ دولت مشترکہ ءِ چاگرد ءِ تہ ءَ آئی ءِ مزنیں کرد ءِ منگ بوتگ۔ مراگش ءَ بھر زوروکاں پاکستان ءَ سیل ءُ سواد ءِ ھوالگ ءَ ویڈیو ھم پیش دارگ بوت، مزن وزیر ءَ کیا سمٹ ءَ 20ورنا آناں موسمی بدلی ءُ یوتھ ایکسیلنس ایوارڈ ھم دات۔ دومی نیمگ ءَ کایا سروک دیوان ءَ لیڈر شپ ءِ گنجائش، اسٹیک ہولڈر مینجمنٹ، ءُ وسیلگ ءِ متحرک کنگ ءِ بابت ءَ سیشن برجم دارگ بوت، ایشی ءِ تہ ءَ بھر زوروکاں جتا جتائیں سوج ءُ ھیال آنی سر ءَ تران کت۔ شریکاں دگہ جیڑھانی سر ءَ چمشانک داتگ کہ آھانی تہ ءَ زوتیں نکاح ھم ھوار اِنت۔ شریکیں مردماں ورنا آناں بااختیار جوڑ کنگ ءِ سر ءَ دلگوشی داتگ ات کایا سروک دیوان ءَ موسمیاتی کارروائی ءِ ھوالگ ءَ مزنیں تک ءِ گول میز ءِ سر ءَ گپ ءُ تران ءِ ھم میزبانی کتگ ات، ایشی ءِ تہ ءَ دمگی تک ءَ موسمی بدلی ءِ اثر آنی گیواری ءِ گامگیج آنی سر ءَ ھیال ءُ لیکہ کنگ بوتگ ات۔ قیادت ءِ بابت ءَ سیشن ءَ دستاویزی فلم ھم پیش دارگ بوت۔ کایا سروک دیوان 2025 ءِ ساھت ءَ مزن وزیر ءِ ورنا پروگرام ءَ ورنا پاکستانی آنی سوبمندی ءُ نبشتہ کاری ءِ صلاحیت آناں پدر کنگ ءِ واستہ ”سپارک“ میگزین ءِ ھم بندات کت۔ مزن وزیر محمد شہباز شریف ءَ نیشنل یوتھ کونسل ءِ باسک ، کلائمیٹ چیمپئنز ، ءُ میگزین ٹیم ءِ گوما ھم گروپ فوٹو کش اِتگ اَنت۔
