اسلام آباد۔28جنوری (اے پی پی): راجی اسمبلی ءِ اسپیکر سردار ایاز صادق ءَ پاکستان ءُ جاپان ءِ نیام ءَ دوستی ءِ سیادی ءِ سر ءَ چمشانک دیان ءَ گوشت کہ اے سیادی جمہوری ارزشت ءُ مردم ءِ نیام ءَ رابطہ، کشت ءُ کشاری ءُ بیپار ءِ تہ ءَ سرمایہ کاری ءِ سر ءَ بندوک اَنت۔ پاکستان ءَ کمک ءِ واستہ یک مزنیں گنجائش است انت کہ آ دوئیں ملک آناں نزیک کت کنت۔ جاپان نیاما نوخیں ٹیکنالوجی ئے پڑا تربیت کثہ مناں تربیت دیغ بیث کنت سردار ایاز صادق ءَ جاپان ءِ ٹیکنالوجی ءُ وانگ ءُ زانگ ءِ دیمروئی ءِ توسیپ کنان ءَ دوئیں ملک آنی نیام ءَ اقتصادی، تجارتی ءُ پارلیمانی کمک ءِ دیمروئی ءِ ضلورت ءِ سر ءَ زور پر دات۔ آئی ءَ گوشت کہ اے کمک پڑ ءَ وشھالی ءُ دیمروئی ءِ نوکیں دور ءِ بندات کت کنت۔ راجی اسمبلی ءِ صدر ءَ گوشت کہ پاکستان جاپان ءِ گوما وتی سیادی ءَ را سک باز ارزشت دنت ءُ ایشی ءَ را گیش مھکم کنگ ءِ واستہ جزمیگ انت آئی ءَ دوئیں ملک آنی نیام ءَ پارلیمانی ڈل آنی مٹ ءُ بدلی ءِ ارزشت ءِ سر ءَ ھم زور پر دات تانکہ وت مہ وتی سیادی ءَ را گیش مھکم کنگ بہ بیت۔ اسپیکر ءَ پارلیمانی دوستی گل آنی کرد ءِ سر ءَ ھم زور پر دات ءُ گوشت کہ پاکستان ءِ کشت ءُ کشاری شوبگ ءَ استیں موہ دوئیں ملک آنی واستہ فائدگ مند ثابت بوت کن اَنت جاپان ءِ سفیر اکاماتسو سوئیچی ءَ پاکستان ءِ توانائی آناں من اِت ءُ جاپان ءِ گوما اقتصادی سیادی ءَ را گیش مھکم کنگ ءِ لوٹ کت۔ آئی ءَ سپیکر ءِ نیمگ ءَ تجارتی ءُ اقتصادی سیادی ءَ را رنگ ءَ کنگ ءِ تجویز ساڑات ءُ پاکستان ءِ چاگردی اقتصادی دیمروئی ءِ تہ ءَ کمک ءِ دل یکیمی دات۔
