اسلام آباد۔28جنوری (اے پی پی): صدر آصف علی زرداری ءَ ضلع قلعہ عبداللہ ءَ سیکورٹی پوسٹ ءِ سر ءَ اُرش ءِ ناکام کنگ ءِ پد ءَ سیکورٹی فورسز ءِ توسیپ کتگ ۔ سئے شمبے ءِ روچ ءَ صدارتی ایوان ءِ پریس ونگ ءِ رد ءَ صدر ءِ مملکت ءَ فتنہ الخریج ءِ ناشرکار آنی ھلاپ ءَ موثر جوابی اُرش ءِ سر ءَ سیکورٹی فورسز ءِ توسیپ کتگ ءُ آپریشن ءِ وھد ءَ درستیں 5خوارج ءِ کشگ ءِ واستہ سیکورٹی فورسز ءِ بہادری ءِ توسیپ کتگ۔ صدر ءِ مملکت ءَ آپریشن ءِ ساھت ءَ نیک طاہر خان ءُ لانس نائیک طاہر اقبال ءَ را شہید کنگ ءِ پد ءَ خراج تحسین پیش کت۔ آئی ئَ شہید آنی وطن دوستی ءُ بہادری ئِ توسیپ کُت۔ صدر ءِ مملکت ءَ شہیدانی گس ءِ مردم آں گوں دلپدردی ءِ درشانی کتگ ءُ آوانی صبر ءُ اوپار ءِ دعا کتگ۔ صدر ءِ مملکت ءَ گوشت کہ ملک ءِ ایمنی ءِ واستہ پاکستان ءِ بہادریں سیکورٹی فورسز مدام تیار اَنت۔ آئی ءَ ناشرکاری ءِ سرجمیں ھلاسی ءُ راجی سلامتی ءِ رکھینگ ءِ واستہ وتی جزم ءِ ھم پدر کت۔
