اسلام آباد۔28جنوری (اے پی پی): مزن وزیر محمد شہباز شریف ءَ بلوچستان ءِ ضلع قلعہ عبداللہ ءِ دمگ گلستان ءَ پنچ درملکی مردمانی کوش ءِ سرا سیکورٹی فورسز ءِ توسیپ کتگ ءُ گشتگ کہ حکومت ءُ سیکورٹی فورسز چہ 2018 ءَ ناشرکاری ءِ سرجمیں ھلاسی ءِ ھاتر ءَ کار کنگ ءَ انت۔ ملک ءَ را یک عہد ءُ پیمانے کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ درملکی مردمانی حلاف ءَ آپریشن ءَ نیک طاہر خان ءُ لانس نائیک طاہر اقبال ءِ شہید بوھگ ءِ سر ءَ دلپدردی ءِ درشان کتگ ۔ آئی ءَ شھید آنی رند ءِ برز کنگ ءُ آھانی کھول ءِ واستہ صبر ءُ اوپار ءِ دعا کتگ۔ مزن وزیر ءَ گوشت کہ انسانیت ءِ دژمن آنی نا شریں ارادہ آناں ھچبر سوبمند بوھگ ءِ موہ دیگ نہ بیت، ناشرکاری ءِ ھلاپ ءَ جنگ ءَ وتی جان ندر کنوکیں سیکورٹی فورسز ءِ بے ترسیں ورنا آنی قربانی بے سوب نہ بنت۔ مزن وزیر ءَ گوشت کہ ناشرکار آنی ھلاپ ءَ سیس ءِ دیوال ءِ وڑ ءَ اوشتاتگیں سیکورٹی فورسز ءِ سر ءَ راج پھر اِنت حکومت ءُ سیکورٹی فورسز ملک ءَ چہ ناشرکاری ءِ سرجمی ءَ ھلاس کنگ ءِ سر ءَ جزمیگ اَنت۔
