قومی اسمبلی ءِ سپیکر  ءَ گشتگ تحریک انصاف ءِ نہ بوہگ ءِ سبب ءَ مذاکرات کمیٹیانی دیوان مہتل دارگ بوتگ، حکومت مذاکرات کمیٹی ءَ ہلاس کنگ ءَ نہ انت

اسلام آباد۔28جنوری  (اے پی پی): راجی اسمبلی ءِ اسپیکر سردار ایاز صادق ءَ گشتگ تحریک انصاف ءِ نہ بوھگ ءِ سبب ءَ گپ ءُ تران ءِ کمیٹیانی دیوان مہتل کنگ بوتگ، ادا سرکاری گپ ءُ تران ءِ کمیٹی ساڑی نہ بوتگ، ما 45 منٹ ودار کتگ بلے… اپوزیشن نہ اتک، بلے مذاکرات کمیٹی ہلاس کنگ نہ بوہگ ءَ انت، آ جاہ ءَ مانیت سئے شمبے ءِ روچ ءَ اسلام آباد ءَ سرکاری مذاکرات کمیٹی ءِ گوما پریس کانفرنس کنان ءَ اسپیکر ایاز صادق ءَ گوشت کہ مارا امیت بوتگ ات کہ اپوزیشن ءِ واستہ کیت۔ مذاکرات مرچی، ڈپٹی مزن وزیر اسحاق ڈار ءِ سروکی ءَ یک سرکاری کمیٹی یے ھم اتکگ ات، بلے نزیک ءَ 45 منٹ ءِ ودار کنگ ءَ ابید ھم آ نہ اتکگ اتنت، ما ھم آھانی اپوزیشن ءِ سروک ءَ را پیغام دیم داتگ ات، کہ ما آئی ءَ را رکینگ ءَ ات، بلے آئی ءَ ھچ وڑیں پسو نہ داتگ ات۔ ما امیت کتگ ات کہ مذاکرات ءِ سبب ءَ بیرسٹر گوہر منی گور ءَ اتک ءُ مذاکرات ءِ درخواست کت گڈا مزن وزیر ءَ یکیں روچ ءَ کمیٹی جوڑ کتگ ات ءُ امیت ات کہ آ مرچی چوش کاینت۔ خیر۔بلے چوش نہ بوت۔ آئی ءَ گوشت کہ اپوزیشن ءِ نابودی ءِ سبب ءَ مرچی گپ ءُ تران دیم ءَ شُت نہ کنت ءُ مرچیگیں دیوان مہتل انت، البت مرچی ھم منی دروازگ پچ انت ءُ من یک رندے پدا امیت کناں کہ حکومت ءُ اپوزیشن ءِ نیمگ ءَ چہ گپ ءُ تران دیم ءَ برگ بہ بیت۔ قومی اسمبلی ءِ اسپیکر ءَ گوشت کہ وھدے مذاکرات ءِ عمل برجاہ اِنت گڈا پیسر ءَ شرط ٹھینگ نہ بنت بلے پیسر ءَ گپ ءُ تران بیت پدا لوٹ آنی سر ءَ ھیال ءُ لیکہ کنگ بیت، متبادل راہ ءُ در شوھاز کنگ بنت بلے بدبھتی ءَ اے ھم ممکن نہ بوتگ۔ مذاکرات کمیٹی وتی جاہ ءَ مانیت، ما ایشی ءَ ھلاس کنگ ءَ نہ ایں منی اُمیت اِنت کہ یک رندے پدا مذاکرات بندات بوت کنت۔