بنجاھی وزیر ءِ اھوالکاری عطا اللہ تارڑ ءَ میڈیا ءَ گوں تران کنان ءَ گوشت کہ چیمپئنز ٹرافی پاکستان ءَ آیگ ءَ مئے واستہ شرپ ءِ گپ اِنت

اسلام آباد۔28جنوری  (اے پی پی): بنجاھی وزیر ءِ اھوالکاری، شنگ ءُ تالان، راجی ورثہ ءُ دود ءُ ربیدگ عطا اللہ تارڑ ءَ گوشت کہ گوستگیں وھد ءَ پاکستان ءَ گوازی ءِ میدان ویران بوتگ اَنت بلے بازیں سالاں پد پاکستان ءَ مزنیں مراگش بندات بوھگ ءَ اَنت اے یک شرپے ءِ گپ اِنت۔ مئے واستہ کہ چیمپئنز ٹرافی پاکستان ءَ کیت۔ سئے شمبے ءِ روچ ءَ ادا میڈیا ءَ گوں تران کنان ءَ بنجاھی وزیر ءِ اھوالکاری ءَ گوشت کہ شنگھائی کوآپریشن آرگنائزیشن ءِ سروک دیوان ءَ پد پاکستان ءَ میگا اسپورٹس ایونٹ ءِ برجائی کنگ بیت، مئے واستہ شرپ ءِ گپ انت۔ آئی ءَ گوشت کہ پی ٹی وی راجی نشریات ءِ ادارہ اِنت، ءُ پی ٹی وی اسپورٹس ءِ ریٹنگ ھم گیش بوتگ۔ بنجاھی وزیر ءَ گوشت کہ آئی سی سی ءَ ھک وھد ءِ سر ءَ داتگ ءُ ایشانی توامیں شرط پیلو کتگ انت۔ پی ٹی وی آئی سی سی ءِ درستیں میچاں پیش دار ایت۔ آئی ءَ گوشت کہ کرکٹ ءِ شنگکاری ءِ واستہ جوانیں پینل جوڑ کنگ بوھگ ءَ انت، ءُ شعیب اختر ءُ شعیب ملک ءَ ھوار دگہ اسٹار اسکرین ءِ سر ءَ آرگ بنت۔ پی ٹی وی اسپورٹس ءَ را گیش سہرا کنگ بیت ۔ آئی ءَ گوشت کہ گوستگیں وھد ءَ پی ٹی وی اسپورٹس ءِ تہ ءَ کار راست نہ بوتگ اَنت، ءُ پی ٹی وی ءِ تہ ءَ ھما رنگ ءَ اصلاحات نہ بوتگ اَنت کہ آ بوتگ اَنت۔ آئی سی سی ءِ ادائیگی ءِ بابت ءَ ہچ وڑیں منصوبہ نہ بوتگ۔ مئے کوشست ایش انت کہ یک شفافیں نظام ءِ چیر دستی ءَ اسپورٹس چینل ءَ را بحال بہ کنیں۔ یک جُستے ءِ تہ ءَ آئی ءَ گوشت کہ ریڈیو پاکستان ءَ جوانیں آن لائن پنشن ءِ نظام جوڑ کنگ بوتگ، ارواح ءِ کارمند آنی پجار کنوکیں افسر آناں مبارک بات دیگ بہ بیت، اے رنگیں کارمند آناں دور کنگ ءَ چہ راج ءِ زر بچت بوتگ اَنت، ایندگہ ادارگ آنی تہ ءَ ھم ھمے رنگیں گامگیج چست کنگ بہ بنت چوشکہ خیر کار کنغی لوٹ ایں۔ پی ٹی وی ءُ ریڈیو پاکستان ءَ جوانیں بدلی گندگ بیت ۔