ملک ءَ را پائیدار دیمروئی ءِ راہ ءَ ایر کنگ ءِ واستہ جی ڈی پی ءِ تناسب ءَ ٹیکس ءِ شرح ءَ را گیش کنگ المی انت معیشت ءِ دستاویز کنگ ءِ سر ءَ ہچ وڑیں سمجھوتہ نہ بیت،  بنجاھی وزیر ھزانگ  ءِ پاکستان  بزنس کونسل ءِ مراگش  ءَ گوں گشتانک

اسلام آباد۔28جنوری  (اے پی پی): بنجاھی وزیر خزانہ ءُ آمدنی سینیٹر محمد اورنگزیب ءَ گشتگ کہ ملک ءَ را پائیدار دیمروئی ءِ راہ ءَ ایر کنگ ءِ ھاتر ءَ جی ڈی پی ءِ تناسب ءَ ٹیکس ءِ شرح ءَ را گیش کنگ المی انت۔ آیوکیں بجٹ ءِ تہ ءَ پاکستان بزنس کونسل ءَ ھوار تاجر ءُ سرمایہ کار آنی سوج آنی سر ءَ چار ءُ تپاسی کنگ بیت سرجمیں اقتصادی جاور ھال آنی تہ ءَ استحکام اِنت۔ گوشت کہ سرجمیں اقتصادی جاور ھال مھکم انت، اسٹیٹ بینک ءَ پالیسی ءِ شرح ءَ را گیش کم کتگ اے وھد ءَ کیبور ءِ شرح 11درسد انت، ایشی ءَ چہ صنعتی ءُ تجارتی شعبہ آناں فائدگ رسگ ءَ انت درملکی زرّ ءِ ذخائر 13ارب ڈالر انت کہ اے 2019 ءِ سئے ماہ ءِ واستہ کافی انت۔ درآمدات کریڈٹ ایجنسی آں چہ پاکستان ءِ کریڈٹ ریٹنگ ءَ را گہتری اتکگ ایشی ءِ سبب ءَ زرّ ءِ دیم دیگ ءُ برآمدات ءِ تہ ءَ گیشی بوتگ۔ آئی ءَ وزیر ءِ ھزانگ ءِ گوما ملک ءِ جتا جتائیں چیمبر آف کامرس ءِ تر ءُ تاب کنت ءُ آوانی بجٹ ءَ پاکستان بزنس کونسل ءَ ھوار تاجر ءُ سرمایہ کار آنی سوج آنی سر ءَ ھیال ءُ لیکہ کنگ بیت۔ پائدگ مندیں براہ راست سرمایہ کاری ءِ واستہ پاکستان بزنس کونسل ءِ تجویز سک باز جوان انت ءُ آ اے تجویز ءَ کابینہ ءِ تہا وتی سنگتاں گوں ہم شیئر کنت۔ پاکستان آئی ایم ایف ءِ گوما سئے سالی پروگرام ءِ سر ءَ کار کنگ ءَ اِنت ما آئی ایم ایف ءِ گوما تپاک کتگیں شرط آنی سر ءَ عمل کنگ ءِ واستہ جزم آں ٹیکس، توانائی ءُ ایس او اے، سرکاری مالیات ءُ ایندگر شوبگ آنی تہ ءَ اصلاحات پاکستان ءِ وتی مفاد ءِ تہ ءَ اَنت۔ بوم بسٹ سائیکل ءِ ھلاسی ءِ واستہ مارا معیشت ءِ ڈی این اے ءَ را بدل کنگ لوٹ ایت ءُ ایشی ءِ واستہ مارا برآمدات ءِ بنیات ءَ پائیدار اقتصادی استحکام ءُ دیمروئی ءِ واستہ کار کنگ لوٹ ایت آئی ءَ گوشت کہ حکومت اے وھد ءَ اسٹریٹجک ءُ ڈھانچہ ءِ گامگیج زورگ ءَ انت، پالیشی ءَ را کنگ لوٹ ایت۔ وزارت خزانہ ءِ نیمگ ءَ ایف بی آر ءِ گوما ہمگرنچ کنگ بہ بیت ایشی ءَ را کنٹرول کنگ بوھگ ءَ اِنت تانکہ ایف بی آر ایوک ءَ آمدنی ءِ یکجا کنگ ءِ سر ءَ دلگوشی بہ دنت ٹیکس ءِ ھواریں جتا جتائیں شوبگ آنی تہ ءَ پالیسی جوڑ کنگ ءِ گوما ایشانی تسلسل ءَ را عقلی کنگ ءِ واستہ ھم کار کنگ بوھگ ءَ اِنت۔ تنخواہ داریں تبک ءِ سرا ٹیکس ءِ مزنیں بار، اے درگت ءَ ایندگہ شعبہ ہم دیما جنزان انت۔سرکار وتی کرد ءَ پیلو بہ کنت، بلے اے ہم یک راستی یے کہ 70 درسد تنخواہ داریں تبک ءَ سپر ٹیکس، سی وی ٹی ءُ اے دگہ جیڑہانی دیمپان نہ انت۔ ریٹرن ءِ دائر کنگ ءِ تہ ءَ تنخواہ داریں کلاس ءَ را آسراتی دیگ بوتگ ءُ اے کار ءَ را آسان کنگ بوھگ ءَ اِنت۔ ھزانگ ءِ وزیر ءَ اے موہ ءِ سر ءَ بہر زوروک آنی جست آنی پسو ھم دات۔ آئی ءَ گوشت کہ کشت ءُ کشاری آمدنی ءِ سر ءَ ٹیکس ءِ ھوالگ ءَ گامگیج کنگ بوھگ ءَ انت، ءُ پنجاب ءُ خیبر پختونخوا ءَ اے ھوالگ ءَ کار کنگ بوتگ۔ پاکستان جی ڈی پی ءِ درسد ءِ رد ءَ ٹیکس ءِ شرح ءِ رد ءَ ہمساہگیں ملک آنی چہ پد انت۔ ملک ءَ را پائیدار دیمروئی ءِ راہ ءَ ایر کنگ ءِ ھاتر ءَ جی ڈی پی ءِ تناسب ءِ رد ءَ ٹیکس ءِ شرح ءَ را گیش کنگ المی اِنت۔ وزیر خزانہ ءَ گوشت کہ کرنٹ اکاؤنٹ ءِ بیلنس مھکم اِنت، اسٹیٹ بینک ءَ ھم اے گپ ءِ تصدیق کتگ، دیمروئی ءِ گوما مارا بوم بسٹ سائیکل ءَ چہ درآھگ لوٹ ایت یک جُستے ءِ سر ءَ آئی ءَ گوشت کہ ادارگی ءِ ھوالگ ءَ ڈاکٹر عشرت حسین ءِ رپورٹ ءَ چہ دراتکگ۔ اصلاحات سک باز جوان انت۔ما ایشی ءَ چہ ھم فائدہ چست کنگ ءَ ایں، اے وھد ءَ 5 ءَ چہ 6 وزارت ءُ ھمگرنچیں محکمہ آنی راستیں سائزنگ ءِ ھوالگ ءَ چار ءُ تپاسی کنگ بوھگ ءَ انت۔ رائٹ سائزنگ ءِ ھوالگ ءَ سفارشات تیار کنگ بوھگ ءَ انت ءُ کابینہ ءَ پیش کنگ بوھگ ءَ انت سفارشات ءِ سر ءَ عمل کنگ ءِ واستہ ھم گامگیج زورگ بوھگ ءَ انت بنجاھی وزارت آنی تہ ءَ یک سد ءُ پنچ ہزار پوسٹ آنی ھلاس کنگ بوتگ ءُ اے سرجمیں عمل ءِ سر ءَ ھم نگرانی کنگ بوھگ ءَ انت۔ آئی ءَ گوشت کہ پنشن ءِ شوبگ ءَ ھم اصلاحات کنگ بوھگ ءَ انت، ما ھون ریچی ءَ را ھلاسی کتگ آئی ءَ گوشت کہ پالیسی ءِ شرح ءِ تہ ءَ کمی ءَ چہ وام آنی پچ گرگ ءُ مالیاتی گنجائش آنی تہ ءَ کمک رستگ۔ نیشنل فسیکل کمپیکٹ ءِ تہا صوبہ آنی کرد ستا کرز انت، ءُ نجکاری ءِ عمل ءَ را دیم ءَ برگ بوھگ ءَ انت۔ وزیر ءِ ھزانگ ءَ گوشت کہ معیشت ءِ دستاویز کنگ ءِ ھوالگ ءَ ھچ وڑیں سمجھوتہ نہ بیت معیشت ءِ دستاویز جوڑ کنگ ملک ءَ را برجمیں دیمروئی ءِ راہ ءَ ایر کنگ ءِ واستہ المی انت۔