اسلام آباد۔28جنوری (اے پی پی): مزن وزیر محمد شہباز شریف ءَ ورنا آناں بدلی ءِ پیش گوئی لیک اتگ ءُ گوشت کہ راجی دیمروئی ءِ تہ ورنا آنی کرد ءَ را گیش کنگ ءِ ضلورت انت ءُ وانگ ءُ زانگ ءِ دیمروئی ءَ چہ ورنا آناں توانمند کنگ بہ بیت۔ ورنا پرامن ءُ وشھالیں باندات ءِ ضمانت انت، دولت مشترکہ چیلنج آنی گیواری ءِ تہ ءَ باسکیں ملک آنی نیام ءَ شریکداری ءِ واستہ جوانیں پلیٹ فارم انت مزن وزیر ءِ ورنا آنی دیمروئی ءُ وشھالی ءِ واستہ یک پرچم بردار پروگرام انت۔ سئے شمبے ءِ روچ ءَ دولت مشترکہ ایشیا یوتھ الائنس ءِ سروک دیوان ءَ گوں گشتانک دیان ءَ مراگش ءَ بنجاھی وزیر ءِ اھوالکاری ءُ نشریات عطا اللہ تارڑ، موسمی مٹ ءُ بدلی ءِ مزن وزیر ءِ کوآرڈینیٹر رومینہ خورشید عالم ءُ درملکی نمائندہ آں ھم بھر زوری کت۔ مزن وزیر ءَ حکومت ءُ الس ءِ نیمگ ءَ سروک دیوان ءِ بہر زوروک آناں وش اتک کنان ءَ گوشت کہ دولت مشترکہ ءِ ورنا سروک دیوان ءِ میزبانی ءَ کنگ ءَ چہ وشی ءَ آں مزن وزیر ءَ گوشت کہ پاکستان دولت مشترکہ ءِ بُن ھشت ایر کنوکیں باسک اِنت ایشی ءَ مزنیں ارزشت ءَ دنت۔ دولت مشترکہ ءُ آئی ءِ ادارہ شریکداری ءُ تپاکی ءِ جوڑ کنگ ءِ ھاتر ءَ یک ھاسیں پلیٹ فارم ءِ دیم ءَ کاریت، دولت مشترکہ ءِ 60 درسد آبادی 30 سال ءَ کم عمر انت۔آئی ءَ گوشت کہ دولت مشترکہ ءِ ملک آنی آیوکیں وھد ءِ ورناہ آنی سر ءَ بندوک انت، مارا 2019 ءِ استعداد آناں دیمروئی دیگی انت۔ ورنا، ورنا آناں نوکیں ٹیکنالوجی ءُ تکنیکی وانگ ءُ زانگ ءَ چہ لیس بہ کنت، ورنا امن ءُ ایمنی ءِ باندات ءِ ضمانت انت۔ مزن وزیر ءَ گوشت کہ پاکستان ءِ 70درسد آبادی ءِ عمر 30سال ءَ چہ کم انت، ما اے توان ءَ چہ جوانیں رنگ ءَ سرپد ایں ءُ ما ایشی ءَ را یک انچیں موہ ءِ تہ ءَ بدل کت کن ایں کہ پاکستان ءِ دیمروئی ءُ وشھالی ءِ تہ ءَ سرجمیں رنگ ءَ کرد پیلو کت کنت۔ مزن وزیر ءَ گوشت کہ ورنا ایوک ءَ باندا ءِ سروک نہ اَنت بلکینگ ءَ مرچی ورنا آناں نوکیں ٹیکنالوجی ءُ تکنیکی وانگ ءُ زانگ ءِ گوما آشنا کنگ لوٹ ایت آھاں راج جوڑیشت ءِ کوشست آنی تہ ءَ سرجمی ءَ ھوار بوھگ ءِ ضلورت اِنت۔ ورنا آناں بااختیار کنگ ءِ ھاترا توانائی ءِ درشانی است انت، ورنا بدلی ءِ وعدہ انت، ءُ راجی دیمروئی ءُ پالیسی سازی ءِ تہا آہانی کرد ءَ را گیش کنگ ءِ ضلورت انت۔ راج جوڑ کنگ ءُ دیمروی ءِ تہا ورنایانی کرد ءِ سرا چم شانک دیگ نہ بیت۔ مزن وزیر ءَ گوشت کہ من مدام ورنا آنی دیمروئی ءُ گہبود ءِ سر ءَ دلگوشی داتگ ءُ سرجمیں سیاسی زند ءَ ورنا آناں توانمند کنگ ءِ واستہ گامگیج چست کتگ مزن وزیر ورنا آنی دیمروئی ءُ گہبود ءِ واستہ پرچم برداریں پروگرام اِنت۔ وزیر نواز شریف ءَ ورنا آنی واستہ بازیں موہ دات ءُ آہانی واستہ بازیں پروگرام بندات کتگ ات کہ ما سرجمیں پنجاب ءَ نودربراں جوانیں وانگ ءُ زانگ ءِ ھاتر ءَ جوڑ کتگ ات، آزات کشمیر، گلگت بلتستان، بلوچستان ءُ اے دگہ دوریں دمگ آنی تہ ءَ ڈینش اسکول جوڑ کنگ بوھگ ءَ انت۔ دوریں دمگ آنی تہ ءَ ھم جوڑ کنگ بوتگ ءُ ورنا آنی وشھالی ءُ دیمروئی ءِ واستہ پنجاب ءُ بنجاھی حکومت ءَ بازیں منصوبگ بندات کتگ اَنت ایشی ءِ تہ ءَ پنجاب ایجوکیشن اینڈومنٹ فنڈ ءِ وسیلگ ءَ کمیں مالی وسیلگ ءِ واھندیں نودربر آناں اسکالرشپ ءِ پجارینگ ءَ را دل یکیمی کنگ ھوار اِنت۔ آئی ءَ گوشت کہ نودربر آناں لیپ ٹاپ ءِ پجاری یک سکیں ھاسیں منصوبگ اِنت ایشی ءِ وسیلگ ءَ نودربر وتی وانگ ءُ زانگ ءِ لوٹ آناں پیلو کن اَنت مزن وزیر ءَ گوشت کہ آزات کشمیر، گلگت بلتستان ءُ بلوچستان ءَ ھوار سرجمیں ملک ءَ نودربر آناں لیپ ٹاپ پجاری کنگ بوھگ ءَ اِنت۔ مزن وزیر ورنا پروگرام ءِ وسیلگ ءَ 6لکھ باصلاحیت ءُ مستحقیں نودربر آناں لیپ ٹاپ پجارینگ بوتگ اے لیپ ٹاپ کورونا وائرس ءِ جھان ءِ وبا ءِ وھد ءَ وانگ ءُ زانگ ءِ وسیلگ جوڑ بوتگ انت۔ مزن وزیر ءَ گوشت کہ وانگ ءُ زانگ ءِ دیمروئی ءَ چہ ورنا آناں بااختیار کنگ بوت کنت، ءُ مئے آیوکیں باندات بااختیاریں ورنا آنی دست ءَ اِنت ایشی ءَ چہ پیسر چیئرمین مزن وزیر ورنا پروگرام رانا مشہود احمد ءَ نمائندہ آناں وش آتک کت ءُ گوشت کہ دمگی کمیونٹی ءِ بستار ایشانی ادا ھست بوھگ اِنت۔ یکوئی ءِ جذبہ ءِ عکس آئی ءَ گوشت کہ دولت مشترکہ ایشیا ءِ ورنا آنی سیکرٹریٹ ءِ جوڑ کنگ وش اتک ءُ پاکستان ءِ ورنا آنی سر ءَ دل یکیمی ءِ درشان اِنت۔ آئی ءَ گوشت کہ دولت مشترکہ ایشیا یوتھ الائنس ورنا آنی سروکی ءِ متحرکیں کرد ءَ را مھکم کنگ ءِ واستہ جوانیں پلیٹ فارم ءِ پجاری کنت ءُ ایشی ءَ چہ مئے راج آنی ورنا نسل ءِ نیام ءَ گپ ءُ تران ءِ دیمروئی ءَ را آسراتی رس ایت۔ اے پلیٹ فارم ءَ چہ ورنا آنی واستہ فعال موہ رس ایت کہ آ دیمروئی، جدت، ءُ شمولیت ءِ عمل ءِ تہ ءَ سروکیں کرد پیلو بہ کن اَنت، ءُ ھما وھد ءَ کہ دیم ءَ آؤرتگیں وژن ءِ سر ءَ عمل کنگ بہ بیت۔ رانا مشہود ءَ گوشت کہ استیں حکومت ورنا آنی صلاحیت آناں گیش کنگ ءُ زندمان ءِ ھمک پڑ ءَ دیم ءَ روگ ءَ کمک کنگ ءِ واستہ دور رسیں گامگیج کنگ ءَ انت۔ آئی ءَ گوشت کہ نوکیں نسل ءَ را موہ پجاری ءُ آھاں توانمند کنگ ءَ چہ ملک دیمروئی کنت پرچا کہ باندا ھمے ورنا ملک ءِ باگام ءَ وتی دست ءَ زور اَنت آئی ءَ گوشت کہ ڈینش اسکول آنی وڑیں گامگیج ءُ ورنا آناں وام پجاری ءِ ستا کرز اَنت۔ اے موہ ءِ سر ءَ مزن وزیر ءَ راجی ورنا کونسل ءِ باسک آناں سوگند چست کت مزن وزیر ءَ جوانیں کارکردگی ءِ درشان کنوکیں ورنا آنی تہ ءَ ایوارڈ ھم بھر ءُ بانگ کت۔
