چینی سفیر جیانگ زے تنگ ءَ نائب مزن وزیر سینیٹر محمد اسحاق ءَ گوں گند ءُ نند کتگ، پاک چین ءِ ہر موسم ءِ اسٹریٹجک شریکداری ءِ دوبر پدر کنگ بوتگ

اسلام آباد۔28جنوری  (اے پی پی): چین ءِ سفیر جیانگ زیڈونگ ءَ سئے شمبے ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ آھاں پاکستان ءُ چین ءِ آل ویدر اسٹریٹجک پارٹنر شپ ءِ دوبر پدر کنگ بوتگ کہ دوئیں ملک آنی نیام ءَ دو نیمگی سیادی آنی بُن ھشت اِنت۔ گند ءُ نند ءِ ساھت ءَ سی پیک ءِ دومی بھر ءِ پیشرفت ءِ سر ءَ چار ءُ تپاسی کت کہ اے مزنیں منصوبگ اِنت ایشی ءِ مول ءُ مراد اقتصادی کمک ءُ دمگی رابطہ کاری ءَ را گیش کنگ اِنت۔ گند ءُ نند ءِ تہ دوئیں نیمگ ءَ وت مہ وتی سیادی آناں نوکیں کوڑ ءَ سر کنگ ءُ وتی اسٹریٹجک شریکداری ءَ را گیش مھکم کنگ ءِ جزم ءِ درشان کت۔ چینی سفیر ءَ چینی دری کارانی وزیر وانگ یی ءِ نیمگ ءَ نائب مزن وزیر ءَ را دعوت داتگ کہ آ 18فروری ءَ نیویارک ءَ اقوام متحدہ ءِ سلامتی کونسل ءِ ’’کثیر جہتی، اصلاحات ءُ گلوبل گورننس ءِ گہتری‘‘ ءِ مزن تک ءِ پروگرام ءَ بہر بہ زوریت۔ نائب مزن وزیر ءَ کثیر نیمگی کمک ءِ واستہ پاکستان ءِ جزم ءِ سر ءَ زور پر دات ءُ دعوت ءِ منگ بوت۔