وزیر دیمپانی خواجہ محمد آصف ءِ گشگ انت کہ پاکستان ءِ ہوابازی ءِ شوبگ ءَ را زندگ کنگ ءُ کسانیں شہراں سفری آسراتی ءَ را گہتر کنگ ءِ نیمگ ءَ جوانیں پیشرفت بوھگ ءَ انت

اسلام آباد۔28جنوری  (اے پی پی): پاکستان ءِ بالی گراب ءِ شوبگ ءَ را زندگ کنگ ءُ کسانیں شہر آنی تہ ءَ تر ءُ تاب ءِ آسراتی آناں گہتر کنگ ءِ نیمگ ءَ جوانیں پیشرفت بوھگ ءَ انت۔ وزیر دیمپانی خواجہ محمد آصف ءَ جست ءُ پرس ءِ وھد ءَ گوشت کہ اے وھد ءَ پی آئی اے ءَ را بالی گراب آنی کمی ءِ آماچ اِنت، ایشی ءِ سبب ءَ حکومت اے جیڈھ ءِ گیواری ءِ واستہ پرائیویٹ ایئر لائنز ءِ گوما رابطہ ءَ اِنت۔ ھرچ وڑیں پیشرفت ءُ یک معاہدے ءِ سر ءَ سر بوھگ ءَ انت گڈا چترال ءَ بالی گراب بحال کنگ بنت وزیر دیمپانی خواجہ آصف ءَ گوشت کہ پی آئی اے اے وھد ءَ ٹرانزیشن ءِ پڑ ءَ چہ گوزگ ءَ انت پمیشکا اسمبلی ءِ باسک آنی سرجمیں اُمیت آناں زوت پیلو کنگ نہ بیت۔ پاکستان ءِ 30 بالی پٹ کہ ناکارہ انت، اودا یا بالی گراب کار نہ کنگ ءَ انت یا سروس کم انت۔حکومت اے جاورحال ءَ را گہتر کنگ ءَ وھد لوٹیت آئی ءَ گوشت کہ کسانیں بالی گراب آناں اجازت دیگ بوھگ ءَ انت تانکہ آ کار بندات بہ کن انت۔ اے بالی پٹ آنی سر ءَ ءُ آھاں کارآمد جوڑ کنگ المی اِنت کہ ایوی ایشن ءِ صنعت ءَ را درستیں بالی پٹ آنی سر ءَ کار کنگ بہ بیت تنکہ کاروبار دیم ءَ بہ روت۔ آئی اے ءِ بحالی ءُ نوک جوڑیشت ءِ کار جاری اِنت، ایشی ءِ تہ ءَ 2 اے ٹی آر ءِ بالی گراب کار کنگ ءَ اَنت ءُ یکے گراؤنڈ اِنت گوستگیں وھد ءَ پی آئی اے ءِ سر ءَ ایر کنگ بوتگیں بندش آنی سبب ءَ بازیں منافع بخشیں راہ بند کنگ بوتگ اَنت۔ انوگیں حکومت ءَ اے بندش ہلاس کتگ انت لہتیں نجی کمپنی چترال ءِ وڑیں کسانیں راہ آنی سر ءَ بالی گراب آنی سر ءَ کار کنگ ءَ انت ایوک ءَ چترال ءِ وڑیں دمگ آنی واستہ کار کنگ ءَ انت۔ پاکستان ءَ کسانیں بالی گراب آناں آرگ ءِ ھاترا جوڑ کنگ بوتگ تانکہ درستیں غیر فعالیں بالی گراب آناں زندگ کنگ بہ بیت گڈا کسانیں شہر آنی مردم آناں شریں سفری آسراتی رس ایت۔