بنجائی وزیر داخلہ نا قلعہ عبداللہ ٹی خوارجی دہشت گرد آتا جلہو ءِ بے سہب کننگ آسیکورٹی فورس آتے خراج تحسین

اسلام آباد۔ 28 جنوری (اے پی پی) بنجائی وزیر داخلہ محسن نقوی قلعہ عبداللہ نا علاقہ گلستان نا پوسٹ آ خوارجی دہشت گرد آتا جلہو ءِ بے سہب کننگ آ سیکورٹی فورس آتے خراج تحسین پیش کرینے۔ سے شنبے نادے آ تینا بیان اٹی وزیرداخلہ خوارجی دہشت گرد آتا جلہو ءِ پسپا کننگ آ سیکورٹی فورس آتے شاباشی تس۔ اوپارے کہ خوارجی دہشت گردآتا بہادری اٹ مقابلہ ءِ کرسا جام شہادت نوش کروک آ سیکورٹی فورس آتا 2 ورناتے خراج عقیدت پیش کینہ۔ اوشہید نائیک طاہر خان و شہید لانس نائیک طاہر اقبال نا جیرت ءِ سلام پیش کرے۔ وزیرداخلہ محسن نقوی شہید آتا خاہوت آتون دلی ہمدردی و ہڑزخواہی نا درشانی ءِ کرے۔ اوناپاننگ ئس کہ شہید آتا قربانی تے قوم قدر انا نظر اٹ ہرک، شہید آتا عظیم قربانی تے اسُل است آن دننگ مفک۔