اسلام آباد۔ 28 جنوری (اے پی پی) صدر مملکت آصف علی زرداری سیکورٹی فورس آتے قلعہ عبداللہ ٹی سیکورٹی پوسٹ آ جلہو ءِ بے سہب کننگ آ خراج تحسین پیش کرینے۔ سے شنبے نادے آ ایوان ءِ صدر نا پریس ونگ انا رداٹ صدر مملکت فتنۃ الخوارج نا دہشت گرد آتا برخلاف گچین ورندی کارروائی تیا سیکورٹی فورس آتا ستاءِ کرسا کارروائی ٹی غٹ 5 خوارج آتے جہنمی کننگ آ سیکورٹی فورس آتا بہادری نا ستاءِ کرے۔ صدر مملکت کارروائی ٹی شہیدی نا جام ءِ کُننگ آ نائیک طاہر خان و لانس نائیک طاہر اقبال ءِ خراج عقیدت پیش کرے۔ اوشہید آتا جوزہ حب الوطنی و بہادری نا ستاءِ کرے۔ صدر مملکت شہید آتا خاہوت آتون ہڑزخواہی و اوفتا صبر وجمیل کن دعاکرے۔ صدر مملکت پارے کہ پاکستان نا بہادر سیکورٹی فورس آک ملکی دفاع کن ہروخت تیار ءُ۔ اودہشت گردی نا پورو چٹفنگ و ملکی سلامتی نا رکھ انا عزم انا درشانی ءِ ہم کرے۔
