چیئرمین پی سی بی محسن نقوی نا یوایس اے کرکٹ نا چیف ایگزیکٹیو آفیسر تون اوڑدہی

واشنگٹن۔ 28 جنوری (اے پی پی) چیئرمین پاکستان کرکٹ بورڈ(پی سی بی ) محسن نقوی یو ایس اے کرکٹ نا چیف ایگزیکٹیو آفیسر جوناتھن اٹیکسن تون اوڑدہی کرے ہراٹی پاکستان و امریکہ نا نیام اٹ کرکٹ سیریز کرفنگ آ گپ وتران کننگا وخت اس کہ پاکستان، امریکہ و کینیڈا نا نیام اٹ ٹرائی سیریز نا گمان تیا ہم گپ وتران کننگا۔ اوڑدہی ٹی پاکستان و امریکہ نا ویمنز ٹیمز انا نیام اٹ اسہ ایلو نا ملک آتیٹی سیریز کرفنگ آ گپ وتران ہم مس۔ اوڑدہی ٹی پاکستان و امریکہ نا مینز و ویمنز ٹیم تا نیام اٹ سیریز کرفنگ آ امنا کننگا و دارداٹ ہڑتوم آ ملک آتا بورڈز کرکٹ سیریز کرفنگ نا پروگرام ءِ گڈیکو دروشم اس ایتنہ۔ چیئرمین پی سی بی محسن نقوی یو ایس اے کرکٹ نا سی ای او ءِ ہرممکن کمکاری نا باوری کرفے۔ چیئرمین پی سی بی محسن نقوی پارے کہ امریکہ ٹی کرکٹ نا مون آدننگ کن پی سی بی پبی کمک فراوان کننگ کن تیار ءِ۔ چیئرمین پی سی بی محسن نقوی امریکہ نا کوچ آتے پاکستان اٹ تربیت تننگ نا پیش کش کرے۔ چیئرمین پی سی بی محسن نقوی یو ایس اے کرکٹ نا چیف ایگزیکٹیو آفیسر ءِ چیمپیئنز ٹرافی ٹورنامنٹ نا میچ آتے ہُننگ کن پاکستان آ بننگ نا سلہ خلک۔ چیئرمین پی سی بی محسن نقوی پارے کہ پاکستان و امریکہ نا نیام اٹ کرکٹ نا مون آ دننگ نا بے پناہ وارخواہی ارے۔ یوایس اے کرکٹ نا چیف ایگزیکٹیو آفیسر چیمپیئنز ٹرافی ٹورنامنٹ نا سلہ غا چیئرمین پی سی بی محسن نقوی نا منت واری ءِ ہرفے۔ چیف ایگزیکٹیو آفیسر پی ایس ایل سلمان نصیر ہم داوخت  آ ساڑی ئسک۔