بنجائی وزیر حوالکاری عطاء اللہ تارڑ  نا اسلام آباد ہائی کورٹ جرنلسٹس ایسوسی ایشن نا بے مقابلہ غان گچین مروک آ عہدیدار آتے مبارکباد

اسلام آباد۔ 28 جنوری (اے پی پی) بنجائی وزیرحوالکاری، شینکاری، قومی میرات و دودوربیدہ عطاء اللہ تارڑ اسلام آباد ہائی کورٹ جرنلسٹس ایسوسی ایشن نا گچین کاری تیٹی بے مقابلہ غان گچین مروک آ عہدیدار آتے مبارکبادی تسنے۔ سے شنبے نادے آ تینا بیان اٹی بنجائی وزیر حوالکاری حسین احمد چوہدری ءِ صدر، بلال شیخ ءِ سینئر نائب صدر، روف بزمی ءِ نائب صدر، راجہ شہزاد علیءِ جنرل سیکرٹری، فرح ماہ جبین ءِ خزانچی، عون رضاءِ سیکرٹری حوالکاری، طاہر نصیر ءِ جوائنٹ سیکرٹری، عنبرین علی ءِ جوائنٹ سیکرٹری فیمیل تون اوار گورنر باڈی نا باسک اویس یوسفزئی، ثاقب بشیر، حاشر وڑائچ، اسد ملک و فرح اعجاز ءِ مبارکبادی تس و اوفتے کن نیک است خواہی نا درشانی ءِ کرے۔ بنجائی وزیر حوالکاری داوخت آپارے کہ نما سرسہبی ننا غٹ اکن گمر ناسوب ءِ۔ اوپارے کہ حکومت آجوئی درشانی سلاہ غا پورو یخین تخک، الس اسکان سہی معلومداری نا فراوانی ٹی صحافی تا اہم ءُ کڑد اسے۔ بنجائی وزیرپارے کہ صحافت اٹ کورٹ رپورٹرآتا کڑد بھاز اہم ءِ، وکیل آتیانبار صحافی تے ہم کانود آن آگاہی تخوئی تمک۔ بنجائی وزیر حوالکاری دااومیت نا درشانی ءِ کرے کہ پوسکن گچین مروک آ عہدیدار آک تینا زمواری ءِ جوانی اٹ سرایترہ و صحافت نا آب ءِ بڑزکیرہ۔