حکومت ورناتا شونداری کن انقلابی ڈٹ آتا بناءِ کرینے، رانا مشہود احمد خان

اسلام آباد۔ 27 جنوری (اے پی پی) چیئرمین وزیراعظم یوتھ پروگرام رانا مشہود احمد خان پارینے کہ ورناتا شونداری کن حکومت انقلابی ڈٹ آتا بناءِ کرینے، پاکستان اٹی مروک آ دولت مشترکہ ایشیایوتھ الائنس وزارتی سمٹ اٹی چندی ملک آتا نیام اٹ کمکاری و ہن وبرتیا گپ وتران کننگک۔ ڈیجیٹل یوتھ ہب پورٹل آ ورناتیکن ملک و پیشن نا ملک ملازمت، اسکالرشپ آتا وارخواہی نا بارواٹی آگاہی مریک۔ داخیال آتا درشانی ءِاو دوشنبے نادے آ میڈیا تون گپ وتران کرساکرے۔ رانا مشہود احمد خان پارےکہ زرگزران، سیاست تون اوار ہر بشخ اٹی ہربروک آ دے ملک اٹی پوسکن ءُ خوشخبری اتنگ ءِ، ملکی شونداری کن زرگزرانی و سیاسی سوگوی المی ءِ، اینوپاکستان نا بارواٹی مچ آ دنیا نا سلاہ مثبت ءِ، دنیا پاکستان تون شریداری نا خواہندار ءِ، پاکستان اٹ سرسہبی اٹ ایس سی او سمٹ اڈتننگا، چندی ملک آک پاکستان اٹی زرکاری کننگ ءُ، وزیراعظم شہباز شریف کشکول ءِ پرغانے و ملک ءِ بریبری نا بنداو آ دنیا تون گنڈانے، اینو دنیا پاکستان اٹی ارب آڈالرنازرکاری کننگ کن بننگ اٹی ءِ، ترک صدر زوت پاکستان نا دورہ ءِ کننگ ءِ۔ اوپارے کہ ساڑی حکومت و سرکڑدہ ورناتے واکدار کننگ کن سنبرینگوک ءُ۔ اوپارے کہ شہباز شریف ورناتے لیپ ٹاپ و اسکالر شپ تس، گوازی تا پڑاٹی ورناتے وارخواہی تس، ساڑی حکومت ورناتے ہرکہول آ وارخواہی فراوان کننگ ءِ۔