ہیوسٹن۔ 27 جنوری (اے پی پی) بنجائی وزیر داخلہ محسن نقوی ہیوسٹن اٹی امریکی کانگریس و کانگریس نا فنانس کمیٹی نا اہم ممبر الیگزینڈر گرین تون اوڑدہی کرے ہراٹی تین پہ تینی است خواہی نا امور و پاک امریکہ تعلقداری نا مون آ دننگ نا بابت گپ وتران کننگا۔ بنجائی وزیر داخلہ محسن نقوی رکن کانگریس الیگزینڈر گرین ءِ اوغانستان آن مروک آ دہشت گردی و درآندازی نا واقعہ …
بنجائی وزیر داخلہ نا امریکی کانگریس نا فنانس کمیٹی نا باسک الیگزینڈر گرین تون اوڑدہی
گیشتریں ھال
ہیوسٹن۔ 27 جنوری (اے پی پی) بنجائی وزیر داخلہ محسن نقوی ہیوسٹن اٹی امریکی کانگریس و کانگریس نا فنانس کمیٹی نا اہم ممبر الیگزینڈر گرین تون اوڑدہی کرے ہراٹی تین پہ تینی است خواہی نا امور و پاک امریکہ تعلقداری نا مون آ دننگ نا بابت گپ وتران کننگا۔ بنجائی وزیر داخلہ محسن نقوی رکن کانگریس الیگزینڈر گرین ءِ اوغانستان آن مروک آ دہشت گردی و درآندازی نا واقعہ غاتا سرجم حوال آتیان معلومدار کرے۔ وزیرداخلہ محسن نقوی پاکستان اٹی بروک آ زمی جمب و نوکاپ اٹی زہمی تا پبی کمک آ کانگریس مین الیگزینڈر گرین نا منت واری ءِ ہرفے۔ اوامریکی کانگریس مین الیگزینڈر گرین نا فلسطین ایشو آ اصولی موقفءِ بھاز پذیرائی ملانے۔ بنجائی وزیر داخلہ محسن نقوی پیدوارکرے کہ پاکستان و امریکہ نا نیام اٹ تعلقداری تیٹی گرم جوشی بننگ ءِ وبروک آدے تیٹی پاک پاک امریکہ تعلقداری پین سوگو مریک۔کانگریس مین الیگزینڈر گرین پارے کہ زوت پاکستان نا دُوارہ دورہ ءِ کیوہ، زمی جمب و نوکاپ اٹی پاکستانی الس تون یکجہتی و کمک کن 4 وار پاکستان آ بسونٹ۔ داوخت آ ہیوسٹن اٹی پاکستان نا قونصل جنرل محمد آفتاب چوہدری و پاکستانی نژاد پنی آ امریکی بزنس مین طاہر جاوید ئسک ہم ساڑی ئسر۔
