وزیراعظم شہباز شریف نا بیلاروس انا صدر الیگزینڈر لوکاشینکو ءِ مبارکباد

اسلام آباد۔ 27 جنوری (اے پی پی) وزیراعظم محمد شہباز شریف بیلاروس انا صدر الیگزینڈر لوکاشینکو ءِ صدارتی گچین کاری تیٹی سرسہبی آ مبارکبادی تسنے۔ دوشنبے نادے آ راجی رابطہ نا ویب سائٹ ’’ایکس‘‘ آ اسہ پوسٹ اسے ٹی وزیراعظم پارے کہ او تینا ایلم الیگزینڈر لوکاشینکو ءِ صدارتی گچین کاری تیٹی تاریخی سرسہبی آ مبارکبادی پیش کیک۔ وزیراعظم پارے کہ نن پاکستان وبیلا روس انا سوگو تعلقداری تیکن تینا اسیجائی وژن ءِ عملی دروشم اس تننگ کن اواری اٹ کاریم کرساکینہ۔