پاکستان نا سوڈان اٹی سعودی ہسپتال آ جلہو نا مذمت

اسلام آباد۔ 27 جنوری (اے پی پی) پاکستان سوڈان نا شار الفریش اٹی سعودی ہسپتال آ جلہونا ترند انگا لوز آتیٹی مذمت ءِ کرینے۔ ترجمان دفترخارجہ نا کنڈآن جاری بیان نا رداٹ دا جلہو ہراٹی پاننگوک وڑاٹ 70 بندغ آتا مرک مسنے، جہانی کانود نا پیدوار خلاف ورزی ءِ۔ ترجمان پارے کہ پاکستان زہمی و اوفتا خاہوت آتون تینا گہری ہمدردی نا درشانیءِ کیک۔ اوپارے کہ دا جلہو جان جوڑی نا چیٹ انا آسراتی تا تقدس ءِ برقرار تخنگ و جہانی انسانی کانود نا اصول آتیا عمل کننگ نا دمدستی گرج انا پیدواری ءِ کیک۔ اوپارے کہ پاکستان سمجھک کہ جھیڑہ غاتے مذاکرات و سفارت کاری نا کمک اٹ ہی ایسر کننگ مریک۔ ترجمان پارے کہ نن سوڈان نا سیوت، وتواجہی و علاقائی سالمیت کن تینا پورو مخ تفی نا درشانی ءِ کینہ۔