وزیراعظم شہبازشریف نا ملتان اٹی ایل پی جی باؤزر نا ترخنگ آن جونی و مالی نسخان تیا است ہسونی نا درشان

اسلام آباد۔ 27 جنوری (اے پی پی) وزیراعظم محمد شہباز شریف ملتان اٹی ایل پی جی باؤزر نا ترخنگ آن جونی و مالی نسخان تیا است ہسونی نا درشانی ءِ کرینے۔ بندغ آتا زوال و چندی تا ٹھپی مننگ آ است ہسونی نا درشانی ءِ کرینے۔ دوشنبے نادے آ وزیراعظم آفس نا میڈیا ونگ انا کنڈآن جاری بیان اٹی وزیراعظم واقعہ ٹی زوال کروک آ بندغ آتیکن بخشش و خاہوت کن صبر و استقامت نا دعاکرے۔ اوٹھپی تا زوت دراخ جوڑی کن ہم دعاکرے۔ وزیراعظم باؤزر نا ترخنگ نا سوب آتے ہُننگ و آخبت اٹ داوڑنا واقعہ غاتا توننگ نا پارت ہم کرے۔ بنائی حوال آتا رداٹ واقعہ ٹی پنچ بندغ زوال و چندیک ٹھپی مسنو وخت اس کہ واقعہ نا جاگہ نا خڑک چندی اُراتے ہم نسخان رسینگانے۔