مزن وزیر شہباز شریف ءَ پرائیویٹ سیکٹر ءِ گوما ھمکوپگی ءَ کوھنیں ریلوے نظام ءَ را نوکیں ٹیکنالوجی ءِ تہ ءَ مٹ کنگ ءُ ریلوے ءِ زمین ءَ کاروباری چست ءُ ایر آنی واستہ کارمرد کنگ ءِ پنت ءُ شون

اسلام آباد۔27جنوری  (اے پی پی): مزن وزیر محمد شہباز شریف ءَ کوھنیں ریلوے ءِ نظام ءَ را نوکیں ٹیکنالوجی ءِ تہ ءَ دیم دیگ ءِ ہدایت کتگ ءُ نجی شعبہ ءِ گوما کمک ءَ ریلوے ءِ زمین ءَ را کاروباری کار آنی واستہ کارمرد کنگ ءِ ہدایت کتگ ءُ گوشت کہ ریلوے دمگ ءَ ھاسیں رنگ ءَ میان اُستمانی تک ءِ گوما تجارت ءِ تہ ءَ گیشی ءِ واستہ اسٹریٹجک وسیلہ اِنت۔ دوشمبے ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءَ پاکستان ریلوے ءِ ھوالگ ءَ دیوان ءِ سروکی ءَ اے دیوان ءَ وفاقی وزیر احسن اقبال، محمد علیم خان، محمد اورنگزیب خان، خواجہ محمد آصف ، جام کمال خان، احد خان چیما، سردار اویس لغاری ءُ سیادی داروکیں ادارگ آنی مزن مزنیں افسراں بہر زرتگ ات مزن وزیر ءَ را پاکستان ریلوے ءِ بحالی ءُ دیمروئی ءِ واستہ کتگیں گامگیج آنی بابت ءَ سرپد کنگ بوتگ ات۔مزن وزیر ءَ گوشت کہ پاک ریلوے ءِ زمین ءَ را پرائیویٹ سیکٹر ءِ گوما یکوئی ءَ کاروباری کار آنی واستہ کارمرد کنگ بہ بیت، ءُ ریلوے ءَ را خطہ ءِ تہ ھاسیں رنگ ءَ میاں اوستمانی ملک آنی گوما تجارت ءِ تہ ءَ گیشی ءِ واستہ حکمت عملی جوڑ کنگ لوٹ ایت۔ آئی ءَ گوشت کہ پاکستان ریلوے ءَ را مقابلہ ءِ رنگ ءَ مسافر آناں را وتی نیمگ ءَ رازیگ کنگ ءِ ضلورت اِنت،ءُ سرکاریءُنجی شریکداری ءِ وسیلگ ءَ پاکستان ریلوے ءِ سر ءَ مسافر آناں گہتریں ٹریول سروسز پجاری کنگ بہ بیت۔ ءِ پاکستان ریلوے ءِ نوکیں ٹیکنالوجی ءِ گوما استیں دور ءِ لوٹ آنی رد ءَ ءُ پاکستان ریلوے ءِ گوما مال برداری کمیونٹی ءِ سفری ازمت آناں منافع بخش جوڑ کنگ ءِ ھاترا۔ مزن وزیر ءَ را بریفنگ ءِ تہ ءَ گوشگ بوت کہ 2022ءِ بربادی ءِ سیلاب ءَ چہ پاکستان ریلوے ءَ را 10 ارب کلدار ءِ تاوان بوتگ ءُ پٹری 35روچ ءَ آپ ءِ چیر ءَ بوتگ انت۔پاکستان ریلوے ءَ 2022ءِ سیلاب ءَ پد جتا جتائیں گامگیج آنی وسیلگ ءَ وتی کارکردگی ءَ را گہتر کتگ ءُتاں انوگ ءَ مال برداری ءِ تہ ءَ بنداتی ھرچ ءُ درچ ءِ برابر ءِ منافع زرتگ پاکستان ریلوے ءِ ملک ءَ مال برداری ءِ مارکیٹ ءَ 8درسد بھر ءُ بانگ اِنت۔ ، 18 درسد غیر ضروری کارندہ چہ کار ءَ کشگ بوتگ انت ءُ پاکستان ریلوے ءِ تھر کول کمیونیکیشن منصوبہ ءِ سرا کار تیزی ءَ گوں دیم ءَ روگ ءَ انت۔