صنعت ءُ پیداوار ءِ بنجاھی  وزیر ءَ گوشت کہ حکومت کشت ءُ کشاری ءِ دیمروئی ءِ واستہ شپ ءُ روچ کار کنگ ءَ اِنت بیلاروس ءُ چین ءَ ھوار بازیں ملک آنی گوما کشت ءُ کشاری ءِ دیمروئی ءِ ھوالگ ءَ گپ ءُ تران بوھگ ءَ اِنت

اسلام آباد/مریدکے۔26جنوری  (اے پی پی):صنعت ءُ پیداوار ءِ بنجاھی  وزیر رانا تنویر حسین ءَ گوشت کہ حکومت کشت ءُ کشاری ءِ دیمروئی ءِ واستہ شپ ءُ روچ کار کنگ ءَ انت بیلاروس ءُ چین ءَ ھوار بازیں ملک آنی گوما کشت ءُ کشاری ءِ دیمروئی ءِ ھوالگ ءَ گپ ءُ تران بوھگ ءَ انت۔ .آئی ءَ اے ھیالانی درشانی یک شمبے ءِ روچ ءَ مراگش ءَ گوں تران کنان ءَ کت۔ آئی ءَ گوشت کہ بیلاروس ءُ چین ءَ ھوار بازیں ملک آنی گوما کشت ءُ کشاری ءِ دیمروئی ءِ ھوالگ ءَ گپ ءُ تران بوھگ ءَ انت مزن وزیر کشت ءُ کشاری ءِ دیمروئی ءِ ھوالگ ءَ دگنیا ءِ گوما مقابلہ کنگ ءِ کوشست ءَ انت۔ آئی ءَ گوشت کہ ھمے سبب انت پاکستان ءِ ورنا آناں کشت ءُ کشاری پٹ ءُ پول ءِ واستہ چین ءَ دیم دیگ بیگ ءَ انت۔ رانا تنویر حسین ءَ گوشت کہ مرچی ھم ما 30ماؤنڈ فی ایکڑ پیداوار ءِ سر ءَ اوشتاتگ ایں فی ایکڑ پیداوار ءَ را گیش کنگ ءِ واستہ نوکیں ٹیکنالوجی ءَ را کارمرد کنگ وھد ءِ لوٹ اِنت۔ آئی ءَ گوشت کہ یک پارٹی ءِ سیاست ءِ محور پاکستان ءِ تباہی بوتگ اے پارٹی ءَ کشت ءُ کشاری ءِ شوبگ ھم تباہ کتگ۔ آئی ءَ گوشت کہ اے پارٹی ءِ بانی انگت جیل ءَ اِنت ءُ پاکستان ءَ را تاوان دیگ ءَ اِنت راج ءَ آئی ءَ را رد کتگ ءُ آئی ءِ سیاست ھلاس بوتگ رانا تنویر حسین ءَ گوشت کہ آ اپریل ءَ بجلی ءَ را ارزان کنگ ءَ اَنت ءُ صنعت ءِ دیمروئی کنگ ءَ اَنت۔ کشت ءُ کشاری ءِ بحالی کنگ بوھگ ءَ انت۔