اسلام آباد۔25جنوری (اے پی پی): بنجاھی تہی کارانی وزیر محسن نقوی ءَ امریکہ ءِ چیمبر آف کامرس ءِ تر ءُ تاب کتگ ءُ امریکہ ءُ پاکستان بزنس کونسل ءِ مزن تک ءِ ڈل ءَ گوں گند ءُ نند کتگ گند ءُ نند ءِ ساھت ءَ کان کنی ءُ انفارمیشن ٹیکنالوجی ءِ شوبگ ءَ سرمایہ کاری ءِ بابت ءَ گپ ءُ تران کنگ بوتگ۔ .تعاون ءُ کمک ءَ را گیش کنگ ءِ بابت ءَ سرجمیں گپ ءُ تران بوتگ۔ وزیر داخلہ ءَ امریکی سرمایہ کار آناں پاکستان ءِ کان کنی ءُ آئی ٹی ءِ شوبگ آنی تہ ءَ سرمایہ کاری ءِ دعوت ھم دات وزیر داخلہ ءَ پاکستان ءَ کار کنوکیں امریکی کمپنی آنی جیڈھ آناں گوش داشتگ ءُ ترجیحی بنیاد ءَ ایشانی جیڈھ آناں گیش ءُ گیوار کنگ ءِ دل یکیمی داتگ۔ آئی ءَ گیش گوشت کہ امریکہ ءُ پاکستان بزنس کونسل پاکستان ءَ بے دروریں سرمایہ کاری ءِ موہ آناں پائدگ چست کت کنت محسن نقوی ءَ گوشت کہ پاکستان اقتصادی استحکام ءِ نیمگ ءَ روگ ءَ انت، درستیں اقتصادی اشارہ آنی تہ ءَ گہتری اتکگ ءُ معیشت ءِ تہ ءَ دیمروئی بوھگ ءَ انت۔ پاکستان بزنس کونسل ءِ نیمگ ءَ پاکستان ءَ سرمایہ کاری کنگ بیت پرچا کہ پاکستان ءَ سرمایہ کاری ءِ دلکشیں موہ دیم ءَ انت۔ آئی ءَ گوشت کہ المی ئیں این او سی ءِ جاری کنگ ءَ را جوانی ءَ گوں جوڑ کنگ بوتگ۔ آئی ءَ کونسل ءَ را اولویت ءِ بنیاد ءَ ھاسیں آسراتی ءِ پھجارینگ ءِ دل یکیمی ھم دات ایشی ءِ تہ ءَ امریکی چیمبر آف کامرس ءِ سینئر نائب صدر چارلس فری مین، امریکی ءُ پاکستان بزنس کونسل ءِ ایگزیکٹو ڈائریکٹر ءُ صدر اسپرانزا جیلالیان ءُ سینٹر فار گلوبل کونسل ھوار اتنت۔ امریکہ ءُ پاکستان ءِ بزنس کونسل ءِ ایگزیکٹو ڈائریکٹر ایبل توار ءُ منیشا ویپا ھوار اتنت۔ اے موہ ءِ سر ءَ امریکا ءَ پاکستان ءِ سفیر رضوان سعید شیخ، کمرشل اٹاشی ءُ اے دگہ کارندہ ھم ساڑی اتنت۔
