اسلام آباد۔25جنوری (اے پی پی): بنجاھی وزیر مذہبی امور ءُ بین المذاہب ہم آہنگی چوہدری سالک حسین ءَ گشتگ کہ اقلیت آناں یک وڑیں حق ءِ پجارینگ حکومت ءِ اولی ترجی انت پرچا کہ ملک ءِ دیمروئی اقلیت ، بین المذاہب ءِ فعالیں کرد ءَ ابید ممکن نہ انت۔ .. بین المذاہب ہم آہنگی یک دیمروئی پسندیں چاگرد ءِ بُن ھشت اِنت اے ھیال ءُ لیکہ بنجاھی وزیر چوہدری سالک حسین ءَ پارلیمانی کمیشن برائے انسانی ھک آنی نیمگ ءَ اقلیت آنی ھک ءُ آھانی ھوار کنگ ءِ تہ ءَ گیشی ءِ بابت ءَ برجم داشتگیں کانفرنس ءَ بھر زوری ءِ موہ ءَ وتی گشتانک ءِ تہ ءَ درشان کتگ اَنت۔ چاگرد ءِ تہا چے بوتگ۔ آئی ءَ وتی گشتانک ءِ تہ ءَ گوشت کہ اقلیت آنی برابریں ھک آنی پجارینگ حکومت ءِ اولی ترجی اِنت، پرچا کہ اقلیت آنی فعالیں کرد ءِ ھست نہ بوھگ ءَ ملک ءِ دیمروئی ممکن نہ اِنت۔ آئی ءَ بین المذاہب ہم آہنگی ءَ را دیمروئی پسندیں چاگرد ءِ بُن ھشت لیک اِتگ ءُ گوشت کہ پاکستان ءِ آئین ءَ اقلیت آنی ھک آناں سرجمیں رنگ ءَ رکھینگ داتگ اے دیوان ءَ اقلیت آنی کارانی واستہ یک مردمی کمیشن ءِ سروک ڈاکٹر شعیب سیڈل ءَ بھر زوری کتگ ءُ یورپی ءِ ھم ھوار بوتگ۔ یونین ءِ نائب سفیر فلپ گروس، راجی اسمبلی ءِ باسک نیلسن اعظم، راجی اسمبلی ءِ باسک ریاض فتیانہ ءُ دگہ مزنیں مردماں بہر زرتگ ات ءُ اقلیت آنی حق آنی رکھینگ ءِ ھاتر ءَ حکومت ءِ گامگیج آناں ساڑاتگ ات۔
