پشاور۔ 25 جنوری (اے پی پی):پشاور الیکٹرک سپلائی کمپنی ءِ بنجاہی کارگس ءَ بنجاھی وزیر سیفران ءُ کشمیر ءُ گلگت بلتستان ءِ کارانی انجینئر امیر مقام ءِ سروکی ءَ یک ھاسیں دیوان ءِ برجم دارگ بوت، ایشی ءِ تہ ءَ نیشنل اسمبلی ءُ قومی اسمبلی ءِ قائمہ کمیٹی ءِ تہ توانائی ءِ کمیٹی ءِ چیئرمین ادریس خان، پیسکو ءِ چیف ایگزیکٹو آفیسر انجینئر اختر حمید خان ءُ اے دگہ سیادی داروکیں کارندہ آں بہر زرتگ۔ گند ءُ نند ءَ پیسکو ءِ چیف ایگزیکٹو آفیسر انجینئر اختر حمید خان ءَ بنجاھی وزیر ءَ را صوبگ ءِ تہ ءَ بجلی ءِ لوڈ شیڈنگ، جیڈھ ءُ دیمروئی منصوبگ آنی بابت ءَ سرجمیں بریفنگ داتگ۔ بنجاھی وزیر ءَ را گوشگ بوت کہ اے وھد ءَ پیسکو ءَ 358 افسر تعیناتی انت وھدیکہ افسر آنی 201 پوسٹ ھالیگ انت ھمے رنگ ءَ پیسکو ءَ تعیناتی ءِ کارندہ آنی کساس 10025 انت وھدیکہ 13802 پوسٹ ھالیگ انت۔ بنجاھی وزیر ءَ را گوشگ بوت کہ پیسکو ءَ سرجم ءَ 14003آفیسر ءُ پرسنل پوسٹ ھالیگ انت۔ آہاں گشگ بوت کہ پیسکو ءَ کارندہانی کمی انت کہ آہاں پُر کنگ لوٹیت۔ بنجاھی وزیر ءَ را سرپد کنگ بوت کہ پیسکو ءِ سسٹم ءِ تاوان اصل ءَ 4.5ارب کلدار کم بوتگ وھدیکہ پیسکو ءَ را کل ءَ 246ارب کلدار ءِ وصولی کنگی اِنت، ایشی ءِ واستہ گامگیج کنگ بوھگ ءَ اِنت۔ بنجاھی وزیر ءَ را ھال دیگ بوت کہ اے وھد ءَ پیسکو ءِ 525 فیڈر آنی سر ءَ زیرو لوڈ شیڈنگ اِنت، وھدیکہ ایندگر فیڈر آنی سر ءَ لوڈ شیڈنگ ءِ وھد کم بوتگ، بنجاھی وزیر ءَ را ھال دیگ بوت کہ ھزارہ الیکٹرک سپلائی کمپنی ءِ جوڑ کنگ بوتگ، کارندہ آنی واستہ۔ تعیناتی ءِ عمل سرجم بوتگ ءُ سک زوت آپریشنل بیت۔ دیوان ءَ گوں گشتانک دیان ءَ بنجاھی وزیر انجینئر امیر مقام ءَ گوشت کہ لوڈ شیڈنگ ءِ ھلاسی ءِ واستہ ترندی ءَ گوں گامگیج چست کنگ بہ بیت آئی ءَ گوشت کہ مئے کوشست آنی مول ءُ مراد الس ءَ را ریلیف پجاری کنگ انت۔ بنجاھی وزیر انجینئر امیر مقام ءَ ہدایت کت کہ بشام، سوابی چھوٹا لاہور، کوہستان، بنر سالارزئی ءُ ایندگر دمگاں ٹرانسمیشن لائنز ءِ جیڈھ ترندیں رنگ ءَ گیش ءُ گیوار کنگ بہ بنت، ءُ جیڈھ آنی گیواری ءِ واستہ ہر وھد ءَ کمک کنگ ءِ واستہ وزارت تیار بہ بیت۔ بنجاھی وزیر ءَ ہدایت کت کہ ذیلی کمیٹی ءِ پنت ءُ شون آنی پد ءَ کارندہ آنی کمی ءِ جیڈھ آناں گیش ءُ گیوار کنگ بہ بیت۔
