اسلام آباد۔25جنوری (اے پی پی):حکومت ءِ مذاکرات کمیٹی ءِ جارکش ءُ سینیٹ مسلم لیگ ن ءِ پارلیمانی رہشون سینیٹر عرفان صدیقی ءَ گشتگ کہ تحریک انصاف ءَ یک نیمگی رنگ ءَ گپ ءُ تران ءِ آسر ءِ جار جتگ ءُ ودار نہ کتگ آہاں انگت ءَ 2018 ءِ اسپیکر ءَ را باقاعدہ ھال نہ داتگ۔ مذاکرات ءِ آسر ءِ بابت ءَ راجی اسمبلی ءِ اسپیکر ءَ پیسریگیں تپاک کتگیں جیڈھ آنی رد ءَ 28 جنوری ءَ مذاکرات کمیٹی ءِ دیوان گوانک جتگ ما مذاکرات ءِ گوما رابطہ ءَ آں، ” آئی ءَ اے ھیالانی درشانی گوستگیں شپ ءَ یک نجی ٹی وی چینلے ءَ گوں گپ ءُ تران کنان ءَ کتگ۔” تحریک انصاف ءَ گپ ءُ تران ءِ وہد ءَ تپاک بوتگیں معاملہانی سرا پیشرفت ءِ ودار کنگ ءَ ابید گپ ءُ تران ءِ آسر بوہگ ءِ جار جتگ ۔ آئی ءَ گوشت کہ جوڈیشل کمیشن ءِ جوڑ کنگ ءِ ھوالگ ءَ گوستگیں گند ءُ نند ءِ ساھت ءَ مئے گوما آئی ءَ ھپت روچ ءِ بزانت چی اِنت اے بابت ءَ گپ تران بوتگ۔ عرفان صدیقی ءَ گشتگ کہ پی ٹی آئی ءِ ٹیم ہفت روچ ءَ را ہفت روچ ءِ رند ءَ لیکگ ءَ انت، وہدے کہ ما گشتگ کہ اے ہفت کار روچ بنت، پدا آہانی گوما باقاعدہ معاہدہ بوتگ کہ اے ہفت کار روچ بنت ءُ گپ ءُ تران ءِ وھد ءَ دوئیں نیمگاں بوتگ۔ اے گپ ءِ سرا تپاک کت۔ سینیٹر عرفان صدیقی ءَ گوشت کہ دیوان ءِ یکجائی بیان ءِ تہ ءَ اے گپ ھم ھوار کنگ بوتگ کہ ایشی ءِ تہ ھپت کار روچ بیت۔ آئی ءَ گشتگ کہ سیمی رند ءِ گپ ءُ تران ءِ وھد ءَ تحریک انصاف ءِ کجام ھم سروک ءَ اے گپ نہ گشتگ کہ اگاں ہفت روچ یا ہفت کارروچ ءِ تہا جوڈیشل کمیشن جوڑ کنگ مہ بیت گڈا چارمی راؤڈ ءِ گپ ءُ تران نہ بیت۔ جوڈیشل کمیشن ءِ جوڑ کنگ ءِ ھوالگ ءَ پیسریگیں گپ ءُ تران ءِ ھوالگ ءَ سینیٹر عرفان صدیقی ءَ اے گپ پدر کتگ کہ پی ٹی آئی ءِ ھچ سروک ءَ نہ گْوشتگ کہ اگاں کمیشن ءِ جوڑ کنگ ءِ جار ھپت روچ ءِ تہ ءَ یا 28 جنوری ءَ تاں نہ بوت گڑا گپ ءُ تران ءِ چارمی دیوان نہ بیت۔ اے گپ ءِ تصدیق ءَ سرکار یا اپوزیشن ءِ ہرچ باسک کہ مذاکرات ءَ ہوار انت آ کت کنت۔ اگاں چوشیں چیزے بوتیں گڑا لازمی اعلامیہ ءِ تہا ہوار بوتگ ات۔ عرفان صدیقی ءَ گیش گوشت کہ مرچی تحریک انصاف ءِ ھپت روچ ءِ اجبیں توجیل ءَ دئیگ ءَ انت ءُ گشگ ءَ انت داں کمیشن جوڑ نہ بیت ما گپ ءُ تران نہ کن ایں ۔ آئی ءَ گوشت کہ ما گپ ءُ تران ءِ ھوالگ ءَ سنگینیں کوشست کنگ ءَ ایں، ما دو سئے کلاک ءِ مدت ءَ سئے چار دیوان کتگ مئے کمیٹی ءَ مزن وزیر ءَ گوں گند ءُ نند کتگ ءُ وکیل آنی گوما شور ءُ سلاھ کنگ ءَ انت۔ گپ ءُ تران ءِ بابت ءَ مزن وزیر ءُ حکومت ءِ اتحادی گل آں گوں شور ءُ سلاہ کنگ ءِ بابت ءَ جست ءِ پسو ءَ سینیٹر عرفان صدیقی ءَ گشتگ کہ حکومت ءِ کمیٹی ءِ ہچ باسک ءَ اے گپ نہ گشتگ کہ اے کار بوت نہ کنت۔ ما پیسلہ کتگ کہ ما کمیٹی ءَ ابید دگہ کس ءِ بیاناں مذاکرات ءِ سرا اثر انداز بوھگ ءِ اجازت نہ دئیں۔آئی ءَ گوشت کہ من نہ کمیٹی ءَ کدی گوشتگ کہ ما جوڈیشل کمیشن جوڑ نہ کن ایں، ما آئین، کانود ءُ رھبند ءُ رھبندانی رد ءَ ھمک چیز ءِ سر ءَ نزیکی ءَ گوں چار ءُ بچار کنگ ءَ آں، بلے منی ھیال ءَ تحریک انصاف ءَ تاں گپ ءُ تران ھلاس کنگ ءِ پیسلہ کتگ۔ اے گپ ءِ جار جنگ ءَ آیاں اسپیکر ءُ کمیٹی ءِ ھم توہین کتگ پرچا کہ اسپیکر مدام راجی اسمبلی ءَ روگ ءَ اِنت ءُ لوٹگ ءَ اِنت کہ گپ ءُ تران ءِ ھاترا کمیٹی جوڑ کنگ بہ بیت۔ آئی ءَ گوشت کہ مذاکرات کمیٹی ءِ جوڑ کنگ ءِ ھوالگ ءَ راجی اسمبلی ءِ صدر ءَ مزن وزیر ءَ گوں گند ءُ نند کتگ، آئی ءَ کمیٹی ءِ منظوری داتگ اے رنگ ءَ منی گمان اِنت کہ یک نیمگی مذاکرات ءِ آسری ءِ جار جنگ ءَ چہ ما درست ءَ را توہین کنگ بوتگ ءُ سرجمیں توہین کنگ بوتگ۔ مذاکرات ءِ عمل ءَ را ھراب کتگ۔عمل ءَ را تماشہ ءِ تہا بدل کنگ بوتگ، ءُ ما داں کدی اے تماشہ ءِ بہر بہ بئیں؟ جنوری ءَ پی ٹی آئی ءِ مذاکرات کمیٹی ءِ دیوان ءَ ھوار نہ بیت گڑا اے گپ ءِ پدرائی کت کہ پی ٹی آئی ءَ انگت ءَ 28 جنوری ءِ دیوان ءِ ھوالگ ءَ راجی اسمبلی ءِ صدر ءَ گوں رابطہ نہ کتگ۔ ، وھدے کہ پیسر ءَ اے مردماں کمیٹی ءِ جوڑ کنگ ءِ ھاترا چار کلاک ءَ گوں اسپیکر ءَ دراجیں دیوان کتگ ات۔ تحریک انصاف ءِ نیمگ ءَ انگت ءَ راجی اسمبلی ءِ صدر ءَ را گپ ءُ تران ءِ آسر بوھگ ءِ بابت ءَ باقاعدہ ھال نہ داتگ پمیشکا راجی اسمبلی ءِ صدر ءَ پیسریگیں تپاک کتگیں گپانی رد ءَ 28 جنوری ءَ گپ ءُ تران کمیٹی ءِ دیوان گوانک جتگ ۔ تحریک انصاف ہمک روچ ءُ بار بار گپ ءُ تران ءِ آسری ءِ جار ءَ جنئگ ءَ انت بلے تحریک انصاف ءِ باسک اگاں 28 جنوری ءَ ہم مہ اتک انت گڑا ما دیوان ءَ اے گپ ءِ سرا چاریں ۔ آئی ءَ گوشت کہ منی حیال ءَ قومی اسمبلی ءِ اسپیکر ءَ بوت کنت تحریک انصاف ءِ مبارکاتی کمیٹی ءَ گوں رابطہ کتگ ءُ دیوان ءَ بہر زورگ ءِ بابت ءَ آہانی شیون ءُ لیکہ لوٹگ ءَ انت۔ آئی ءَ گوشت کہ اگاں 28 جنوری ءَ چہ پیسر گپ ءُ تران ءِ چارمی دیوان نہ بوھگ ءِ بابت ءَ راجی اسمبلی ءِ صدر ءِ نیمگ ءَ ھچ وڑیں باقاعدہ ھال ءُ اھوال نیست گڈا ما دیوان ءَ بھر زوری ءِ واستہ سنجیدہ ایں ۔ آئی ءَ گوشت کہ سرکار ءِ گپ ءُ تران کمیٹی نہ لوٹ ایت کہ اے وڑیں تاثر دیم ءَ بہ کئیت کہ مئے نیمگ ءَ گپ ءُ تران ھلاس بوتگ۔ تحریک انصاف ءَ وتی نبشتہی لوٹ 42روچ ءَ پد 16 جنوری ءَ کمیٹی ءِ دیوان ءَ پیش کتگ انت بلے مارا 7روچ ہم دیگ ءَ نہ انت۔ آئی ءَ گوشت کہ پی ٹی آئی مئے گور ءَ گوں وشّی ءُ رضامندی ءَ نہ اتکگ بلکیں وتی سرجمیں پندل آنی کارمرد کنگ ءَ پد اتکگ ءُ اگاں نوں گپ ءُ تران ءَ یلہ دیگ ءَ انت گڑا آھانی ھیال ءَ یک منصوبگ ءِ ھست بوھگ المی انت۔ آئی ءَ اے گپ پدر کت کہ ما لوٹیں کہ گپ ءُ تران سنگین بہ بنت۔ آئی ءَ اپسوز درشان کتگ ءُ گشتگ کہ بوت کنت اے پارٹی پہ گپ ءُ تران ءَ جوڑ نہ بوتگ ۔ سینیٹر عرفان صدیقی ءَ گشتگ کہ بوت کنت تحریک انصاف ءِ نصاب ءُ حکمت عملی ءِ تہا ہچ وڑیں فہم، گپ ءُ تران، گپ ءُ تران ءُ دگہ چیز نیست بلکیں آہانی گور ءَ 9 مئی یا فائنل کال ءُ اے وڑیں چیز است انت۔ آئی ءَ گوشت کہ ایوان ءَ تران کنگ ءَ پد بیگانہ ءِ احساس بوتگ ءُ تحریک انصاف ءِ ڈی چوک ءِ ذہنیت گپ ءُ تران ءِ تہ ءَ ھوار بوت نہ کنت۔ سینیٹ ءِ باسک آنی پروڈکشن آرڈر آنی ھوالگ ءَ جست ءِ پسو ءَ سینیٹر عرفان صدیقی ءَ گوشت کہ پروڈکشن آرڈر آنی ھوالگ ءَ ایوان بالا ءِ فیصلہ ءِ احترام کنگ بہ بیت۔ آئی ءَ گوشت کہ گپ ءُ تران ءِ عمل مینڈیٹ ءِ تہ ءَ محدود کنگ بہ بیت ایشی ءِ تہ ءَ دگہ چیز ھوار کنگ مہ بنت۔ آئی ءَ گوشت کہ پیداوار ءِ آرڈر آنی سر ءَ عمل نہ کنگ ءَ را بہانہ ءِ رنگ ءَ کارمرد کنان ءَ گپ ءُ تران ءِ آسر کنگ بے زانتی اِنت۔ وھدیکہ گپ ءُ تران بوھگ ءَ انت تحریک انصاف ءِ بانی ءَ مزن وزیر ءِ بابت ءَ سئے نا لائکیں ٹویٹ کتگ بلے ما ایشی ءِ پسو نہ داتگ ۔ آئی ءَ گوشت کہ ما ھچ چیز ءَ گپ ءُ تران ءِ راہ ءَ اوشتگ ءِ موہ نہ داتگ بلے پی ٹی آئی ءِ نیمگ ءَ چہ زرتگیں رویہ ءِ رد ءَ ما ایشانی پد ءَ شت نہ کن ایں ءُ گْوشگ ءَ نہ ایں کہ پدا بیا ءُ گپ ءُ تران کن اِت۔ تحریک انصاف ءَ اگاں وتی فیصلہ کتگ گڈا وتی راہ ءَ بہ گیپت ۔
