اسلام آباد۔25جنوری (اے پی پی):صدر آصف علی زرداری ءَ ضلع خیبر ءَ آپریشن ءِ وھد ءَ چار ناشرکارانی کوش ءِ پد ءَ سیکورٹی فورسز ءَ را شگر ءُ منت گپت۔ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ انٹیلی جنس ءِ بنیات ءَ سوبمندیں آپریشن ءِ ساھت ءَ ناشرکار آنی سروک ءَ ھوار چار خوارج ءِ کوش ءِ واستہ سیکورٹی فورسز ءِ بہادری ءِ توسیپ کتگ۔ صدر ءِ مملکت ءَ گوشت کہ سیکورٹی فورسز ناشرکاری ءِ ھوپ ءِ ھلاسی ءِ واستہ گامگیج کنگ ءَ انت، سرجمیں راج ناشرکاری ءِ ھلاپ ءَ یکجائی ءَ انت۔ صدر ءِ مملکت ءَ وتی جزم ءِ پدا زور دات کہ فتنہ الخوارج ءِ حلاف ءَ آپریشن ھما وھد ءَ تاں برجاہ بیت داں ناشرکاری ءِ سرجمی ءَ ھلاس کنگ مہ بیت۔
