اسلام آباد۔25جنوری (اے پی پی):مزن وزیر محمد شہباز شریف ءَ گوشت کہ پاکستانی ورنائیں لیب کنوک وتی ازم ءَ گوں ملک ءُ قوم ءَ را شان ءُ شان آرگ ءَ انت، ءُ حکومت پاکستانی لیب کنوک آناں آسراتی پجارینگ ءِ واستہ ھرچ وڑیں گامگیج زورگ ءَ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ شمبے ءِ روچ ءَ اسنوکر ءِ چیمپئن محمد آصف ءَ مزن وزیر محمد شہباز شریف ءَ گوں گند ءُ نند کتگ۔ اے موہ ءِ سر ءَ مزن وزیر ءَ آئی ءَ را گوستگیں روچاں سری لنکا ءَ برجم داشتگیں سارک اسنوکر چیمپئن شپ ءِ سوبمندی ءِ سر ءَ مبارک بات دات مزن وزیر ءَ محمد آصف ءَ را 2 لکھ کلدار ءِ انعام ءِ چیک ھم دات۔ اے موہ ءِ سر ءَ گشتانک دیان ءَ مزن وزیر محمد شہباز شریف ءَ گوشت کہ شما اسنوکر ءِ گوازی ءَ پاکستان ءَ را شان ءُ شُہرت آؤرتگ ءُ سرجمیں راج شمئے سر ءَ فخر کنت مزن وزیر ءَ گیش گوشت کہ ورلڈ ایمیٹور اسنوکر چیمپئن شپ ءُ سارک اسنوکر چیمپئن شپ سوبمند بوھگ ءَ چہ۔ سئے رند ءَ محمد آصف ءَ وتی توانائی آناں دگنیا ءِ دیم ءَ ثابت کتگ ءُ پاکستان ءَ را شان ءُ شُہرت آؤرتگ گند ءُ نند ءِ ساھت ءَ محمد آصف ءَ مزن وزیر ءِ راجی تک ءِ ستا ءِ سر ءَ منت گپت ءُ گوشت کہ کھیڈ آنی تہ ءَ سرکاری سرپرستی ءَ کھیڈ آنی دیمروئی ءَ کمک کتگ۔ کلیتی کرد آئی ءَ گیش گوشت کہ اے منی واستہ شرف ءِ گپ اِنت کہ مزن وزیر ءَ منی سوبمندی آناں من اِتگ مزن وزیر محمد شہباز شریف ءَ سیادی داروکیں واکدار آناں ہدایت کتگ کہ آ محمد آصف ءِ ھوار ملک ءَ ایندگر اسنوکر ءِ کھڈکار آنی تربیت ءِ واستہ گامگیج چست بہ کن اَنت۔ ورناہاں گیش دیم ءَ برگ بہ بیت۔
