اسلام آباد۔ 24 جنوری (اے پی پی) بنجائی وزیر صنعت و پیدوار رانا تنویرحسین پارینے کہ یوٹیلیٹی اسٹور نا تنظیم نو کن کیہی نجی کمپنی است خواہی تخرہ، یوٹیلیٹی اسٹور نا آخبت نا فیصلہ بروک آ دیوان اٹی مریک۔ داخیال آتا درشانی ءِ او پنچ شنبے نادے آ یوٹیلیٹی اسٹورز کارپوریشن نا بابت تیناکماشی ٹی بڑزکو کہولی دیوان اٹی کرے۔ دیوان اٹی بنجائی وزیر انفارمیشن ٹیکنالوجی شزا فاطمہ دیوان اٹی بشخ ہلک و اہم سلاہ پیش کرے۔ یوٹیلیٹی اسٹورآتا بابت وزیراعظم ناپارت آتیا عمل درآمد کن سلابت کننگا۔ یوٹیلیٹی اسٹورآتا بندش نا عمل ءِ ترند کننگ کن گام گیج آتیا گپ وتران کننگا۔ یوٹیلیٹی اسٹورز آتا ملازم و آؤٹ لیٹس نا پروڈکٹیویٹی کن کمیٹی اس جوڑ کننگا۔ داوخت آ بنجائی وزیرپارے کہ یوٹیلیٹی اسٹورآتا تنظیم نوکن کیہی نجی کمپنی است خواہی تخرہ۔ یوٹیلیٹی اسٹورز کارپوریشن نا آخبت نا فیصلہ ءِ بروک آ دیوان اٹی کننگک۔
