اسلام آباد۔24جنوری (اے پی پی):پیپلز پارٹی بلوچستان باسک ایم این اے نوابزادہ جمال خان رئیسانی ءَ گشتگ کہ پیکا کانود ءِ تہا اپوزیشن ءِ سرءُ سوج ھوار کنگ بوتگ اَنت، کانود منگءَ پد اپوزیشن آئیءَ را ھرابیں رن مہ دنت۔ جمعہ ءِ روچءَ مزن گسء”اے پی پی ” ءَ گوں گپ ءُ تران کتگءُ نوابزادہ جمال خان رئیسانی ءَ گشتگ کہ پیکا کانودءَ چہ سرجمیں ملک ءِ اُلسءَ را پائدگ رسیت، ایشیءَ را ایر جنگی سیاست کنوکاں چہ دزبندی کناں کہ لھتیں وہد بہ کش آں ءُ ایشیءَ را بوان اَں، اے کانود سیاست دان ءُ صحافی آں ہوار درائیں سٹیک ہولڈرآنی ھاترءَ فیک نیوز ءِ گرءُدار ءَ کمک کنت۔ آئیءَ گشتگ کہ پیکا کانود ءِ وسیلگءَ میڈیا یا صحافتءِ آجوہی ءِ سرءَ ایچ بندش نہ ایں، اے بالکل ردءُ بے بنیات ایں ۔آئی ءَ گوشت کہ پیپلز پارٹی اھوالکاری ءُ اھوالکار آنی دیمروئی ءِ تہ ءَ دیم ءَ اِنت ھاسیں رنگ ءَ مزنیں اھوالکار آناں شرپ دیگ بہ بیت نوں ھرکس مائیکءُ موبائل کیمرہ ءَ چالو کنت ءُ اھوالکار جوڑ بیت کنت کہ ایشی ءَ ایوک ءَ مزنیں اھوالکار کت کن اَنت بیت. آئی ءَ گوشت کہ پی ٹی آئی ءِ گپ ءُ تران ءَ چہ درآھگ ءِ سبب ءَ گپءُ تران ءِ تہ ءَ دوئیں نیمگ مدام صبر ءُ اوپار ءِ کارمرد کن اَنت کہ ایشی ءَ چہ لہتیں آسر ءِ سر ءَ سر بیت اشتاپی ءِ پیسلہ مدام ردیں پیسلہ آنی نیمگ ءَ روت کہ ایشانی تہ ءَ تاوان ھم ھست۔
