جنوری (اے پی پی)ملک مستر آصف علی زرداری ءَ وانگ ءُزانگ ءِ نظام ءِ دیم ءَ اوشتاتگیں جیڈھ آناں گیواری ءِ ضلورت ءِ سر ءَ زور پر دیان ءَ گوشت کہ وانگ ءُ زانگ یک وشھالیں، ھواریں ءُ دیمروئی کنوکیں پاکستان ءِ بُن ھشت بہ بیت کار کنگ لوٹ ایت۔ جمعہ ءِ روچ ءَ ملک مستر ءَ ایوان ءِ پریس ونگ ءِ رد ءَ اے ھیالانی درشانی صدر ءِ مملکت ءَ جھان ءِ وانگ ءُ زانگ ءِ روچ ءِ درگت ءَ وتی کلوہ ءِ تہ ءَ کت۔ آئی ءَ گوشت کہ ما ’’مصنوعی ذہانت ءُ وانگ ءُ زانگ: آٹومیشن ءِ دنیا ءَ انسانی ارادہ ءُ اتھارٹی ءِ رکھینگ‘‘ ءِ سرھال ءِ چیر دستی ءَ وانگ ءُ زانگ ءِ میاں اوستمانی ءِ روچ ءَ برجم دارگ ءَ ایں ۔ صدر ءِ مملکت ءَ گوشت کہ مصنوعی ذہانت ءِ ذمہ واری ءَ گوں کارمرد کنگ ءَ چہ وانگ ءُ زانگ ءِ نظام ءَ انقلاب آرگ ءِ صلاحیت است انت، انسانی ارادہ ءُ گچین کاری، خلاقیت، تنقیدی سوچ ءُ پیسلہ کنگ ءِ ھاترا ھاسیں ارزشت ءِ ھست انت۔ آئی ءَ گوشت کہ مصنوعی ذہانت ءِ سر ءَ بنیات ءِ وسیلگ ءَ وانگ ءِ عمل ءَ را انفرادی لوٹ آنی رد ءَ جوڑ کنگ ءَ کمک رس ایت ءُ مصنوعی ذہانت ءِ وسیلگ آنی کمک ءَ چہ ڈیٹا ءِ سر ءَ کار کنوکیں اصلاحات وانگ ءُ زانگ ءِ نظام ءَ آرگ بوت کنت۔ صدر ءِ مملکت ءَ گوشت کہ مصنوعی ذہانت ءِ صلاحیت آنی چہ سیت چست کنگ ءِ واستہ مارا وانگ ءُ زانگ ءِ بنیاتی ڈھانچگ ءِ تہ ءَ سرمایہ کاری ءَ را اولیت دیگ لوٹ ایت، ءُ وانگ ءُ زانگ ءِ نظام ءِ دیم ءَ اوشتاتگیں ایندگر برجاھیں چیلنج آناں ھم گیواری کنگ لوٹ ایت۔ صدر آصف علی زرداری ءَ گوشت کہ ما وتی وانگ ءُ زانگ ءِ نظام ءَ را گہتر کنگ ءِ واستہ مصنوعی ذہانت ءَ را کارمرد بہ کن ایں وانگ ءُ زانگ ءِ ماہرین، پالیسی ساز، ءُ والدین آناں وانگ ءُ زانگ ءِ پھجارینگ ءِ واستہ مصنوعی ذہانت ءَ را وتی کنگ لوٹ ایت۔ملک مستر ءَ گوشت کہ مصنوعی ذہانت جیڈھ آنی گیواری ءُ خلاقیت ءِ دیمروئی ءَ کمک کت کنت، ایشی ءَ چہ ریاضی، سائنس، زبان، راجدپتر ءُ تنقیدی سوچ ءِ تہ ءَ بنیاتی مہارت آناں گیش کنگ ءَ ھم کمک رسیت۔ آئی ءَ گوشت کہ مصنوعی ذہانت ءِ سر ءَ بنیات ءِ وسیلگ ءَ نودربر آناں زبان ءُ اظہار، ٹیم ورک، ءُ ڈیجیٹل سواد ءِ وڑیں المی ئیں مہارت آنی گوما لیس کنگ بوت کنت۔ صدر ءَ گوشت کہ بیا اِت ما وتی زھگ آنی تہ ءَ سرمایہ کاری ءُ آھاں المی ئیں ھُنر آنی تہ ءَ ھوار کنگ ءِ پابند بہ بئیں۔
