اسلام آباد۔23جنوری (اے پی پی): مزن وزیر محمد شہباز شریف ءَ گشتگ کہ حکومت رسانکدر ءِ نیمگ ءَ بازیں ایراد ءِ آماچ انت حکومت داری ءِ گہتری ءِ واستہ حکومت ءِ سرا ایراد سک باز المی انت۔ اے ھیالانی درشانی آئی ءَ پاکستان براڈکاسٹر ایسوسی ایشن ءِ ڈل ءَ گوں تران کنان ءَ کت اَنت۔ کہ آہاں ادا جمارت ءَ گوں ملاقات کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ڈل ءَ گوں گپ ءُ تران کنان ءَ گوشت کہ حکومت ءُ میڈیا ءِ نیام ءَ وت مہ وتی بھروسہ ءِ سیادی است اِنت میڈیا ءِ نیمگ ءَ حکومتی پالیسی آنی سر ءَ جوڑیشت ءِ ایراد کنگ ءِ واستہ سک باز المی اِنت۔ حکومت رسانکدر ءِ سرا تعمیری تنقید ءَ را وش آتک کنت، ءُ حکومت رسانکدر ءَ را ریاست ءِ چارمی ستون لیکیت۔ مزن وزیر ءَ گوشت کہ اودان پاکستان یک بنجاہی رنگ ءَ دیمروئی کتگیں راجی دیمروئی منصوبگ اِنت ایشی ءَ را رسانکدر ءُ توامیں اسٹیک ہولڈر آنی کمک ءَ چہ سوبمند کنگ بیت اللہ تعالیٰ ءِ فضل ءُ کرم ءَ چہ ملک ءِ برجائی ءَ پد پاکستان ءِ دیمروئی ءِ رفتار ھما جاہ ءَ کہ پیسر ءَ بوتگ ات پدا بنگیج بوتگ۔ 2018 ءَ بند بوتگ چہ اودا پدا بندات بوتگ پاکستان ءَ مزن وزیر محمد نواز شریف ءِ دور ءَ دیمروئی ءِ زرین دور گندگ بوتگ ءُ مرچی ہم آئی ءِ دور ءَ اقتصادی استحکام ءَ پد دیمروئی ءِ سفر گوں زبردستی ءَ برجاہ اِنت۔ مزن وزیر ءَ گوشت کہ آ دوستیں ءُ براتیں ملک آنی بے دروریں منت وار آں، آھانی کمک ءَ پاکستان ڈیفالٹ ءِ کش ءَ چہ واتر بوتگ ءُ اقتصادی دیمروئی ءِ نیمگ ءَ رھادگ بوتگ۔ آئی ءَ گوشت کہ ملک ءَ افراط زر ءُ سود ءِ شرح ءِ تہ ءَ مزنیں کمی ءِ کریڈٹ اقتصادی ٹیم ءِ محنت، برآمدات ءِ تہ ءَ گیشی، صنعتی ءُ کشت ءُ کشاری شوبگ آنی دیمروئی حکومت ءِ کاروباری دوستی ءِ سبب ءَ رسگ ءَ انت۔ پالیسی، ءُ ایف بی آر ءِ تہا اصلاحات ءِ نفاذ ءُ سرجمیں ڈیٹاائزیشن ءِ سرا کار ءِ سرا زور دیگ بوھگ ءَ انت۔ کسٹم ءِ نظام ءَ را گہتر کنگ ءِ ھاتر ءَ کسٹم ءِ جائزہ ءِ نظام ءِ بندات کنگ بوتگ اے نظام ءَ چہ آمدنی ءِ جم کنگ ءَ را گیش کنگ، شفافیت ءَ را گیش کنگ ءُ کرپشن ءِ ھلاس کنگ ءَ کمک رسیت۔ مزن وزیر ءَ گوشت کہ پٹرولیم ءِ چیز، چیا، کھاد، آٹ ءُ دگہ چیز آنی اسمگلنگ ءِ گر ءُ دار ءَ چہ راجی ھزانگ ءَ را سیت رستگ۔ زرّ دیم دیگ ءِ تہ ءَ گیشی حکومتی پالیشی آنی سر ءَ پاکستانی آنی تہ ءَ گیش بوھوکیں یکسہ ءِ درشان اِنت۔ مزن وزیر ءَ گوشت کہ دوستیں ملک آنی گوما سیادی آنی تہ ءَ گیشی ءُ سفارتی محاذ ءِ سر ءَ کار برجا بوھگ ءَ انت، اللہ تعالیٰ ءِ فضل ءُ کرم ءَ چہ جہانی پڑ ءَ پاکستان ءِ اکس بحال بوھگ ءَ انت۔ مزن وزیر ءَ گوشت کہ ناشرکاری ءِ ھلاپ ءَ جنگ ءَ سرجمیں راج ءَ قربانی داتگ، پاکستانی لشکر سرجمیں راج ءِ ھواری ءَ اے وبا ءِ ھلاپ ءَ جنگ ءَ را برجاہ دار اَنت داں اے وھد ءَ ملک ءَ چہ سرجمی ءَ ھلاس مہ بیت۔ مزن وزیر ءَ گوشت کہ چین پاکستان اقتصادی راہداری ءِ پائدگ آنی گندگ بندات بوتگ، پاکستان ءُ دمگ ءِ دیمروئی ءِ واستہ مزن وزیر محمد نواز شریف ءُ صدر شی جن پنگ ءِ واب پیلو بوھگ ءَ سک نزیک انت، حکومت سی پیک ءِ منصوبگ آنی زوت سرجمی ءِ واستہ شپ ءُ روچ کار کنگ ءَ انت۔ آئی ءَ گوشت کہ راج دژمن آنی یک خاصیں گلے کہ پاکستان ءِ ڈیفالٹ ءِ واب ءَ گند اَنت آ بار بار اسلام آباد ءِ سر ءَ اُرش کنگ ءِ کوشست کن اَنت اے وڑیں عناصر پاکستان ءِ اقتصادی استحکام ءُ دیمروئی ءَ را ہضم کنگ ءَ مشکل گندگ ءَ اَنت۔ ما پاکستان ءِ اقتصادی ایمنی ءِ واستہ وتی سرانی ندر کتگ ملک ءِ دیمروئی ءِ واستہ شپ ءُ روچ مشکول مانیں ۔ باصلاحیتیں ورنا ءُ کار ءِ توان ءَ را پاکستان ءِ مستریں سرمایہ لیکگ ءَ آئی ءَ گوشت کہ ورنا آناں میاں اوستمانی تک ءِ وانگ ءُ زانگ ءِ آسراتی ءُ برابریں دیمروئی ءِ موہ پجاری مئے اولی ترجی آنی تہ ءَ ھوار اِنت۔ ڈل ءِ بھر زوروکاں اقتصادی اشارہ آنی تہ ءَ گہتری ءَ را وش اتک کت ءُ گوشت کہ میڈسیا ملک ءِ دیمروئی ءُ گورننس ءِ گہتری ءِ تہ ءَ وتی جوانیں کرد ءَ را برجاہ دار ایت۔ ڈل ءَ بجلی ءِ شوبگ ءَ اصلاحات ءِ واستہ بجلی ءِ نرخ آنی تہ ءَ کمی ءُ حکومت ءِ جیڈھ آناں دوستانہ رنگ ءَ گیواری ءِ واستہ مزن وزیر ءِ کوشست آناں ساڑات۔ ڈل ءِ باسک آں گوشت کہ ملک ءَ را سیاسی استحکام ءِ ضلورت انت، ایشی ءِ تہ ءَ حکومت ءَ را جوانیں کرد پیلو کنگی انت۔ وفاقی وزیر اطلاعات عطا اللہ تارڑ، وزارت اطلاعات ءِ مزنیں کارندہ چیئرمین پاکستان براڈکاسٹرز ایسوسی ایشن میاں عامر محمود، میر ابراہیم، ناز آفرین سہگل، سلطان لاکھانی، سلمان اقبال، شکیل مسعود، ندیم ملک ءُ کاظم خان اے موہ ءِ سر ءَ ھوار اتنت۔
