واشنگٹن۔23جنوری (اے پی پی):بنجاھی داخلہ ءِ وزیر محسن نقوی ءَ گوں امریکی کانگریس ءِ باسک جو ولسن ءُ روب بریسناہن ءَ جتا جتائیں گند ءُ نند کتگ ءُ پاکستان ءُ امریکہ ءِ سیادی ءِ دیمروئی ءِ جیڈھ آنی سر ءَ گپ ءُ تران کتگ۔ دائمی امن، ھاسیں رنگ ءَ اوگانستان ءِ جاور ھال آنی سر ءَ پاکستان ءُ امریکہ ءِ سیادی آناں گیش دیمروئی دیگ ءِ جزم ءِ درشان کنگ ءِ وھد ءَ دوئیں ملک آنی تہ ءَ تجارتی ءُ دود ءُ ربیدگ ءِ ڈل آنی یکوئی ءِ تہ ءَ گیشی ءِ ضلورت ءِ سر ءَ زور پر دیگ بیت۔ امریکی سیادی آئی ءَ منصوبگ ءِ دیمروئی ءِ واستہ توامیں پڑ ءَ سرجمی ءَ کمک ءِ دل یکیمی دات وزیر تہی کار محسن نقوی ءَ امریکی کانگریس ءِ دوئیں باسک آناں پاکستان ءِ تر ءُ تاب ءِ دعوت دات۔ تہی کارانی وزیر محسن نقوی ءَ گوشت کہ امریکا پاکستان ءِ سک باز ھاسیں اسٹریٹجک شریک انت۔ پاکستان ءُ امریکہ ءِ سیادی بازیں سال آنی اِنت۔ آئی ءَ گوشت کہ صدر ڈونلڈ ٹرمپ ءِ اے گپ جہانی امن ءِ رد ءَ سک باز دلبڈی انت ءُ صدر ڈونلڈ ٹرمپ دگنیا ءِ واستہ امن ءِ چراگ جوڑ بوتگ۔ صدر ڈونلڈ ٹرمپ ءِ دور ءَ پاک امریکہ ءِ سیادی ءَ را نوکیں رنگے رس ایت۔ گند ءُ نند آنی تہ ءَ جتا جتائیں پڑ آنی تہ ءَ پاکستان ءُ امریکہ ءِ سیادی آنی سر ءَ ھیال ریچی کنگ بوت۔ اے موہ ءَ امریکہ ءَ پاکستان ءِ سفیر رضوان سعید شیخ ھم ساڑی بوتگ ءُ درملکی پاکستانی مردمانی جیڈھ آنی گیواری ءِ واستہ گامگیج آنی سر ءَ ھم گپ ءُ تران بوتگ۔
