بنجائی وزیر کانود اعظم نذیر تارڑ تون راولپنڈی بار ایسوسی ایشن ناڈل انا اوڑدہی، چندی امور تیا گپ وتران

اسلام آباد۔ 22 جنوری (اے پی پی) بنجائی وزیر کانود اعظم نذیرتارڑ تون راولپنڈی بار ایسوسی ایشن نا ڈل اوڑدہی کرے و چندی امور تیا گپ وتران کننگا۔ وزارت کانود و انصاف نا ترجمان نا رداٹ چارشنبے نادے آ اوڑدہی کروک آ ڈل انا کماشی ءِ صدر راولپنڈی بار ایسوسی ایشن سردار منظر بشیرکرے۔ داوخت آ بنجائی وزیر کانود ءِ چندی پروجیکٹ آتا پوروی نا بابت معلومدار کننگا۔ وزیرکانود اعظم نذیرتارڑ تینا و حکومت نا کنڈآن پورو کمکاری نا باوری کرفے۔ وزیرکانود راولپنڈی بار ایسوسی ایشن نا پوسکن گچین مروک آ سرکڑدہ غاتے مبارکبادی تس و باوری کرفے کہ بارانا ویل آتے ایسر کننگک۔