اسلام آباد۔ 22 جنوری (اے پی پی) وزیراعظم محمد شہباز شریف انڈونیشیانا جزیرہ جاواٹی نوکاپ و مش انا کرود آتا تمنگ آن نہادی جونی نسخان تیا ڈکھیائی و است ہسونی نا درشانی ءِ کرینے۔ چارشنبے نادے آ ایکس آ تینا پوسٹ اٹی وزیراعظم پارے کہ انڈونیشیا نا جزیرہ جاواٹی مش انا کرود آتا تمنگ و نوکاپ اٹی نہادی جونی نسخان گڑاسے نا بے گوا مننگ آ بھاز است ہسونی ءِ۔ اوپاکستان و الس و حکومت نا کنڈآن دا مشکل ساہت اٹی انڈونیشیا نا صدر پرابوووسوبیانتو، زہمی تا خاہوت و انڈونیشیا نا الس تون ہڑزخواہی نا درشانی ءِکرینے۔ اوپارے کہ داقدرتی آفت آن ودی مروک آ حالیت آتون ہمت وحوصلہ اٹ مون تننگ کن نن انڈونیشیا نا حکومت و الس تون یکجہتی نا درشانی ءِ کینہ۔
