واشنگٹن۔22جنوری (اے پی پی):واشنگٹن ءَ بنجاھی وزیر تہی کار محسن نقوی ءَ واشنگٹن ءَ کانگریس ءِ باسک تھامس رچرڈ سوازی ءُ جیک برگمین ءَ گوں گند ءُ نند کتگ۔ کانگریس ءِ باسک تھامس رچرڈ سواسی ڈیموکریٹک پارٹی ءِ مردم اِنت ءُ کانگریس ءِ باسک جیک برگمین ریپبلکن پارٹی ءِ مردم اِنت۔ پاکستانی کاکس ءِ باسک تھامس رچرڈ سوازی ءُ شریک چیئرمین جیک برگمین ءِ گوما گند ءُ نند ءَ وت مہ وتی مفاد ءِ جیڈھ، پاکستان ءُ امریکہ ءِ سیادی ءُ دگہ ھاسیں جیڈھ آنی سر ءَ گپ ءُ تران کنگ بوتگ۔ گند ءُ نند ءَ افغانستان ءِ جاورحالانی سرا ہم گپ ءُ تران بوتگ ۔ گند ءُ نند ءَ پاک امریکہ ءِ سیادی ءَ را دیمروئی دیگ ءِ سرا تپاک کنگ بوتگ۔ تہی کارانی وزیر محسن نقوی ءَ کانگریس ءِ باسک تھامس سوازی ءُ کانگریس ءِ باسک جیک برگمین ءَ را پاکستان ءِ تر ءُ تاب ءِ دعوت داتگ۔ بنجاھی تہی کارانی وزیر محسن نقوی ءَ گوشت کہ امریکہ پاکستان ءِ سک باز ھاسیں اقتصادی ءُ دفاعی شریک اِنت، ءُ ما پاکستان ءِ چاگردی شوبگ آنی گہتری ءِ واستہ امریکی کمک ءَ را ارزشت دئیں۔ آئی ءَ گوشت کہ پاکستان امریکا ءِ گوما دو نیمگی سیادی ءَ را ھاسیں ارزشت ءَ دنت ءُ توامیں شوبگ آنی تہ ءَ امریکا ءِ گوما گیشاں چہ گیش کمک لوٹ ایت۔ تہی کارانی وزیر محسن نقوی ءَ گوشت کہ پاکستان ءِ تر ءُ تاب ءَ چہ دو نیمگی سیادی ءَ را گیش مھکم کنگ ءَ کمک رسیت کانگریس ءِ باسک تھامس سوازی ءَ گوشت کہ پاکستان ءِ گوما سیادی ءَ را گیش مھکم کنگ ءِ واستہ جزمیگ آں ءُ زوت پاکستان ءِ تر ءُ تاب ءَ کناں۔ گند ءُ نند ءِ تہا پاکستانی کاکس کانفرنس ءِ واشنگٹن ڈی سی ءَ 30 اپریل ءَ برجم دارگ ءِ پیسلہ کنگ بوت۔ اے موہ ءِ سر ءَ امریکا ءَ پاکستان ءِ سفیر رضوان سعید شیخ ھم ساڑی ات۔
