اسلام آباد۔22جنوری (اے پی پی):بنجاھی وزیر اھوالکاری، شنگ ءُ تالان، راجی میراث ءُ دود ءُ ربیدگ عطا اللہ تارڑ ءَ گوشت کہ 190 ملین پاؤنڈ ءِ میگا کرپشن کیس ءِ تہ ءَ ناقابل تردید شواہد است انت، این سی اے ءَ اے زرّ ضبط کتگ ءُ 2018 ءِ حکومت ءَ را پدا داتگ انت۔ پاکستان ءَ سیل کتگیں لفافہ کابینہ ءِ دیم ءَ آرگ بوتگ، شہزاد اکبر ءَ سرکاری کاگداں زر پیش داشتگ، پی ٹی آئی ءِ بانی چیئرمین ءَ وتی کرپشن ءِ جواب دیگی اِنت۔ چار شمبے ءِ روچ ءَ 190ملین پاؤنڈ ءِ میگا کرپشن کیس ءِ ھوالگ ءَ ھاسیں گپ ءُ تران ءِ تہ ءَ بنجاھی وزیر انفارمیشن ءَ گوشت کہ گلوبل میڈیا ءَ 190ملین پاؤنڈ ءِ پیسلہ ءِ سر ءَ کرپشن ءِ سرھال داتگ اَنت، اے کیس ءِ تہ ءَ مھکمیں شواہد ھست اَنت ءُ نیشنل کرائم ایجنسی ءَ 2019 ءِ سرھال داتگ اَنت۔ جرم ءِ پٹ ءُ پول کنگ ءِ لوٹ کتگ کہ اے زر شہزاد اکبر ءِ وسیلگ ءَ پاکستان ءِ سرکار ءَ اتکگ انت کہ آئی ءَ سرکاری دستاویزات ءِ تہا اثاثہ جات ءِ ریکوری یونٹ ءَ 190 ملین پاؤنڈ ءِ جار جتگ ءُ اے ہم گشتگ کہ اے زر ملک ریاض ءُ آئی ءِ ھاندان ءَ چہ ضبط کنگ بوتگ انت۔ ءُ پاکستان ءِ سرکار ءَ داتگ وھدے کہ اے زر پاکستان ءِ سرکار ءَ داتگ ءُ شہزادہ اکبر ءَ ھم من اِتگ گڑا ایشی ءِ بابت ءَ ھچ وڑیں ابہام نہ بوتگ۔ آئی ءَ مہربندیں لفافہ کابینہ ءِ دیم ءَ آورت ءُ زر دگہ جرمانہ ءِ دروشم ءَ سپریم کورٹ ءِ اکاؤنٹ ءَ دات انت۔ آئی ءَ گْوشتگ کہ مرد ءُ جن ءَ ٹرسٹ جوڑ کتگ ءُ دو ایکڑ زمین رشوت ءِ تہ ءَ زرتگ ءُ انگشتر لوٹ اِتگ چہ ایشی ءَ مستریں کرپشن ءِ مثال نیست۔ عطا اللہ تارڑ ءَ گوشت کہ 190 ملین پاؤنڈ ءِ میگا کرپشن ءِ ناقابل تردید ثبوت است انت، اے پاکستان ءِ راجدپتر ءِ تہ ءَ مزنیں کرپشن ءُ رشوت ءِ کیس انت، اے درستیں چیز دستاویزات ءِ گوما ثابت بوتگ انت۔ آئی ءَ گوشت کہ سپریم کورٹ ءَ وتی پرمان ءِ تہ ءَ اے ھم گْوشتگ کہ پیسہ یک دستے ءَ چہ زورگ بوتگ ءُ دومی دست ءَ داتگ اَنت اے پیسہ پاکستان ءِ سرکار ءُ پاکستان ءِ الس ءِ بوتگ اَنت ایشانی رد کارمرد کنگ بوتگ۔ وزیر اطلاعات ءَ گشتگ کہ ملک ریاض ءُ آئی ءِ زھگ ءِ حلاف ءَ کرپشن ءُ زمین ءِ سرا قبضہ ءِ بازیں کیس زیر التوا انت ایشی ءِ تہا راولپنڈی ءِ دمگ تخت پادی ءَ ناجائزیں قبضہ ءُ ناجائزیں ہاؤسنگ سوسائٹی ءِ کیس ءُ الس ءَ چہ ارباں کلدار ءِ زُور ءِ کیس ھوار انت۔ . آئی ءَ گوشت کہ نیب ءِ نیمگ ءَ جاڑی بوتگیں پریس ریلیز ءِ باوجود دبئی ءَ منصوبگ بندات کنگ بوھگ ءَ انت نیب ءَ اے گپ پدر کتگ کہ دبئی منصوبگ ءِ تہ ءَ کجام ھم زرّ سرمایہ کاری کنگ بیت آ منی لانڈرنگ ءِ زمرے ءَ کیت۔ آئی ءَ گوشت کہ اے معاملہ امارات ءِ سرکار ءِ گوما ھم ایر کنگ بیت تانکہ سرکار ایشی ءِ سر ءَ کارروائی بہ کنت اگاں آ وت ءَ دفاع کت کنت گڈا آ 190 ملین پاؤنڈ ءِ کرپشن کیس ءَ آمیدگس ءِ دیم ءَ آرگ بوتگ ات۔ اوشتاتغیں آئی ءَ گوشت کہ آ پیسر ءَ آمید گس ءَ چہ چک ءُ پد بوتگ اَنت، آمید گس ءَ پیش نہ بوتگ اَنت، پیسر ءَ آھانی جائیداد ضبط کنگ بوتگ اَنت، نیب ءِ نیمگ ءَ چہ رند ءِ کیس آنی تہ ءَ ھم جائیداد ءِ ضبط کنگ ءِ کارروائی کنگ بوھگ ءَ اِنت۔ نیب ءَ الس ءَ را سرپدی داتگ کہ دبئی منصوبہ ءِ تہا سرمایہ کاری منی لانڈرنگ ءِ زمرہ ءَ کیت، پمیشکا ایشی ءِ تہا سرمایہ کاری مہ کن انت۔ آئی ءَ گوشت کہ نیب ءَ بازیں کیس است انت، اے درگت ءَ آمید گس ءَ ھچ وڑیں دفاع پیش کنگ نہ بوھگ ءَ انت، آ ھم 190ملین پاؤنڈ ءِ کیس ءَ گار ءُ بیگواہ کنوک جوڑ بوتگ انت، پمیشکا آیوکیں وھد ءَ ھم کانودی کارروائی سرجم کنگ بہ بیت۔ اے چارگ مہ بیت کہ کئے کجام بستار ءَ انت یا کئے ءِ گور ءَ چنچو زر ءُ مال انت۔ آئی ءَ گوشت کہ ملک ریاض ءُ باقی آنی ھلاپ ءَ بازیں شواہد ءُ کیس است انت، آ وتی کیس آمیدگس آنی تہ ءَ پیش بہ دار انت، کہ ایشی ءِ تہ ءَ آ ناکام بوتگ انت۔ بنجاھی وزیر ءَ گوشت کہ نیب ءَ کانود ءِ رد ءَ کار کنگ ءَ انت اے اولی رند انت کہ نیب ءَ توامیں کانود ءِ لوٹ پیلو کنان ءَ ثبوت ءُ ثبوت ءِ بنیات ءَ بااثریں مردم آنی ھلاپ ءَ کارروائی کتگ۔ آئی ءَ گوشت کہ برطانوی سرکار ءَ ملک ریاض ءُ علی ریاض ملک ءِ ویزہ ءِ سزا ءِ رد ءَ منسوخ کتگ کہ اے گپ چہ مجرمانہ کارروائی ءَ ابید ممکن نہ بوتگ آہاں برطانیہ ءَ وتی ویزہ ءِ بحال کنگ ءِ کیس درج کتگ، داں کہ برطانوی سرکار اے کسے ءِ ویزہ ءِ منسوخ نہ کنت۔ ویزا داں کہ آیانی ھلاپ ءَ چیزے ثابت مہ بیت۔ایشی ءِ بزانت ایش انت کہ ھما زر کہ ضبط کنگ بوتگ انت آ پاکستان ءِ سرکار ءِ مال بوتگ انت ءُ آ ضبط کنگ بوتگ انت ءُ پاکستان ءِ سرکار ءَ دیگ بوتگ انت۔ بنجاھی وزیر ءَ گشتگ کہ پی ٹی آئی ءِ باسک سیاست ءَ چہ مذہب ءَ دور بہ دار انت، پی ٹی آئی ءِ بانی چیئرمین وتی کرپشن ءُ رشوت ءِ جواب ءَ بہ دنت، ءُ وتی زہرشانی ءِ جرماں مذہب ءِ پُشت ءَ چہ شموشگ ءِ جہد ءَ مہ کنت۔
