اسلام آباد۔22جنوری (اے پی پی): بنجاھی وزیر خزانہ ءُ ریونیو ءِ سینیٹر محمد اورنگزیب ءَ گوشت کہ چین ءُ پاکستان ءِ اقتصادی راہداری ءِ دومی بھر ءَ حکومت ءَ چہ حکومت ءِ تک ءَ چہ کاروبار ءِ سر ءَ دلگوشی دیگ بیت۔ سی پیک ءِ دومی بھر ءَ چینی کمپنی آناں پاکستان ءَ پیداواری یونٹ جوڑ کنگ ءِ اجازت دیگ بیت آھاں را دیم ءَ روگ ءِ ھاترا دلجم کنگ بیت۔ آئی ءَ اے ھیالانی درشانی ڈیووس ءَ ورلڈ اکنامک فورم ءَ دیمروئی کنوکیں معیشت آنی سر ءَ گیش بوھوکیں جھان ءِ وام ءِ بوجھ ءِ ھوالگ ءَ مزن تک ءِ پینل ڈسکشن ءَ گوں تران کنان ءَ کت۔ وزیر خزانہ ءَ مالیاتی پالیشی آنی تہ ءَ بدلی ءُ قرض ءِ برجائی ءِ وسیلگ ءَ مھکم ءُ لچکداریں معیشت ءِ جوڑیشت ءِ واستہ وتی وژن ءِ درشان کت۔ آئی ئَ گوشت کہ پاکستان ئِ مستریں جیڈھ کرنٹ اکاؤنٹ ئُُ مالیاتی اکاؤنٹ ئِ دوئیں خسارہ بوتگ اَنت۔ مالیاتی خسارہ ءِ مستریں سبب 9 ءَ چہ 10 درسد ءِ ناپایداریں ٹیکس ٹو جی ڈی پی ءِ تناسب اِنت۔ ڈھانچہ ءِ اصلاحات ءِ وسیلگ ءَ ٹیکس ءِ ٹو جی ڈی پی ءِ تناسب ءَ را 13درسد ءَ سر کنگ ءِ کوشست کنگ بوھگ ءَ اِنت۔ وزیر خزانہ اورنگزیب ءَ گوشت کہ ٹیکس ءِ تہ ءَ جی ڈی پی ءِ تناسب ءَ را گیش کنگ ءَ ابید ٹیکس کمیونٹی ءِ تہ ءَ شرپداریں بستار ءِ ھاترا نا ممکن اِنت۔ سرکار وتی ھرچ ءُ درچ ءُ قرضانی پچ گرگ ءَ کم کنگ ءِ جھد ءَ اِنت۔ وتی لوگ ءِ ھلاس کنگ ءَ ابید قرض ءِ بار ءَ چہ رکّینگ گران اِنت۔ آئی ئَ گوشت کہ پاکستان ئَ وام ئِ تہ ئَ جی ڈی پی ئِ تناسب 78درسد ئَ چہ 67درسد ئَ کم بوتگ۔ قرض زورگ ھراب نہ اِنت، قرض ءَ شریں وڑے ءَ کارمرز کنگ المی اِنت۔ وام یا سبسڈی ءِ وسیلگ ءَ ھرچ ءُ درچ ءِ مالی کمک ءِ بدل ءَ پیداواری ءَ را گیش کنگ ءَ برآمدات ءَ را دیم ءَ برگ بہ بیت۔ پاکستان ءِ اقتصادی دیمروئی نا وش بوتگ انت۔ وزیر ءِ ھزانگ ءَ گوشت کہ جی ڈی پی ءِ تہ ءَ گیشی ءِ شرح 4درسد ءَ سر بیت ایشی ءَ چہ معیشت ءِ درآمدات ءِ سر ءَ انحصار کنگ ءِ سبب ءَ بیلنس آف پیمنٹ ھراب بیت۔ ہر وھد ءَ کہ بیلنس آف پیمنٹس ھراب بیت گڑا مارا آئی ایم ایف ءِ نیمگ ءَ روگی اِنت پائیدار دیمروئی ءِ ھاترا پاکستان ءِ اولی ترجی اِنت ما معیشت ءِ ڈی این اے ءَ را بدل کنگ ءَ برآمدات ءِ وسیلگ ءَ معیشت ءِ استحکام ءِ پالیسی ءِ رندگیری ءَ کنگ ءَ ایں ۔ اقتصادی دیمروئی ءِ تہا نجی شعبہ ءَ را سروکیں کرد پیلو کنگی انت۔ ورلڈ بانک ءِ گوما دہ سالی شراکت داری ءِ پروگرام ءَ چہ آبادی ءِ گیشی، غربت ءُ چاگردی جیڈھ آناں گیش ءُ گیوار کنگ ءُ پائیداریں اقتصادی دیمروئی ءِ نیمگ ءَ رھادگ بوھگ ءَ کمک رسیت۔ وزیر خزانہ اورنگزیب ءَ گوشت کہ سی پیک ءِ دومی بھر ءَ حکومت ءَ چہ حکومت ءِ بدل ءَ بزنس ٹو بزنس ءِ سر ءَ دلگوشی دیگ بیت۔ سی پیک ءِ دومی بھر ءَ چینی کمپنی آناں پروڈکشن یونٹ آناں پاکستان ءَ دیم دیگ ءِ ھاترا دلجم کنگ بیت۔ چینی کمپنی پاکستان ءَ وتی برآمدات ءِ ھاتر ءَ مرکز جوڑ کن اَنت۔ پاکستان پانڈا بانڈز ءِ وسیلگ ءَ دگنیا ءِ مزنیں ءُ گہتریں چینی سرمایہ کاری مارکیٹ ءَ سر بوھگ لوٹ ایت۔ پاکستان مصر ءِ تجربگ آنی چہ دربرگ ءَ سرمایہ کاری مارکیٹ ءِ رسائی ءَ را تنوع دیگ ءُ کریڈٹ ریٹنگ ءَ را گہتر کنگ ءِ کوشست ءَ کنت۔ پاکستان ءِ آئی ٹی ءِ شوبگ ءَ ورنا آنی واستہ بے دروریں موہ است انت۔ اے یک جوانیں گپے کہ دگنیا ءِ توک ءَ پاکستانی ورنا جوانیں روزگار ءِ رسگ ءَ انت۔ ملک ءَ ورنا آنی واستہ جوانیں روزگار ءِ موہ پیداک کنگ ءِ واستہ کوشست بوھگ ءَ انت۔ پائیدار پالیسی فریم ورک ءُ پالیسی ءِ تسلسل ءِ وسیلگ ءَ نجی شعبہ ءَ روزگار ءِ موہ پیداک کنگ بنت۔
