بلوچستان سرکار ءُ گرینڈ ہیلتھ الائنس ءِ میان ءَ گپ ءُ تران سوبمند بوتگ انت، ہڑتال ءِ  ھلاس کنگ  ءِ جار جنگ بوتگ

کوئٹہ۔ 22 جنوری (اے پی پی): بلوچستان سرکار ءُ گرینڈ ہیلتھ الائنس ءِ نیام ءَ سوبمندیں گپ ءُ تران ءَ پد طبی آسراتی بحال کنگ ءُ ہڑتال ءِ آسر کنگ ءِ جار جنگ بوت بلوچستان سرکار ءِ جارچین شاہد رند ءِ رد ءَ درستیں معاملہ دوستانہ رنگ ءَ گیش ءُ گیوار کنگ بوتگ انت ءُ یک… آیوکیں وھد ءَ ھچ وڑیں ہڑتال ءُ زھرشانی ءَ چہ بچگ ءِ دل یکیمی دیگ بوتگ آئی ءَ گوشت کہ گرینڈ ہیلتھ الائنس ءُ حکومت ءِ نیام ءَ گپ ءُ تران ءَ پاکستان میڈیکل ایسوسی ایشن ءِ کارندہ آں میانجی ءِ کرد پیلو کتگ ءُ اے گپ پدر کنگ بوتگ کہ 2019 ءِ پیسلہ ءِ تہ ءَ . بلوچستان ہائی کورٹ ءِ سرا سک باز عمل کنگ بیت، ءُ محترم سپریم کورٹ ءِ پرمان ہر قیمت ءَ عمل کنگ بنت۔ آئی ءَ گوشت کہ بلوچستان ءِ سر وزیر میر سرفراز بگٹی ءُ صوبائی جان سلامتی ءِ وزیر بخت محمد کاکر عام مردم ءَ را معیاری طبی آسراتی پجارینگ ءِ واستہ جزم انت کہ محکمہ جان سلامتی ءِ تہ ءَ برجاھیں اصلاحات گیشیں السی مفاد ءِ تہ ءَ انت ءُ ایشی ءِ تسلسل ہر قیمت ءَ برجائی کنگ بہ بیت۔ .حکومت ءَ اے گپ پدر کتگ کہ سرکاری نادراھجاہ آناں سرکاری ھزمت ءِ مثالی مرکز جوڑ کنگ بیت، جان سلامتی ءِ محکمہ ءِ وسیلگ گریبیں الس ءِ امانت انت، ءُ آھانی جوانیں رنگ ءَ کارمرد کنگ ءَ را دل یکیمی کنگ بیت کہ آیوکیں وھد ءَ، ہچ کس قانون ءِ خلاف ورزی ءِ ذمہ وار نہ بیت حکومت وتی رٹ ءِ منوگری ءِ ہاترا جزم انت، ءُ سرکاری ادارہ آئین ءُ قانون ءِ رد ءَ چلائینگ بنت۔ جارکش شاہد رند ءَ گوشت کہ الس ءِ سکی ءِ مارشت ءِ رد ءَ طبی ازمت آنی مھتلی ناقابل برداشت انت ءُ سرکاری اسپتال آنی تہ ءَ طبی ازمت آنی بے رکاوٹ پجاری ءَ را دل یکیمی کنگ بیت۔ آئی ءَ گوشت کہ اے گامگیج بلوچستان حکومت ءِ سرکاری ھزمت ءِ واستہ جزم ءِ پدر کنگ ءَ انت ءُ جان سلامتی ءِ شوبگ ءَ برجاہ اصلاحات آناں سرجم کنگ ءِ واستہ حکومت ءِ سنگینیں ارادہ ءِ درشان ءَ کن انت۔