سینیٹ ءِ چیئرمین ءَ گوشت کہ پاکستان ءَ سرمایہ کاری ءِ واستہ جوانیں چاگرد است انت ایشی ءَ چہ سرمایہ کار آنی رکھینگ بیت

اسلام آباد۔21جنوری  (اے پی پی):سینیٹ ءِ چیئرمین سید یوسف رضا گیلانی ءَ گوشت کہ پاکستان ءَ سرمایہ کاری ءِ واستہ چاگرد جوان اِنت، سرمایہ کار آناں رکھینگ ءِ آسراتی دیگ بیت، پاکستان سویڈن ءِ گوما وتی سیادی ءَ را ارزشت دنت کثیر نیمگی پڑ آنی تہ ءَ کمک ءَ چہ مردم آناں دیمروئی دیگ ءَ کمک رسیت۔ -مردماں گوں رابطہ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ ءَ اسلام آباد ءَ گند ءُ نند ءِ ساھت ءَ سویڈن ءِ سفیر الیگزینڈر کنل برخ ءَ گوں گپ ءُ تران کنان ءَ اے ھیالانی درشانی کتگ چیئرمین سینیٹ ءَ گوشت کہ پاکستان سویڈن ءِ گوما سفارتی سیادی ءَ را ارزشت دنت۔ 75 سال، روچ پہ روچ مھکم بوھگ ءَ اَنت، ءُ میان اُستمانی فورماں کمک مثبت اِنت۔ یوسف رضا گیلانی ءَ گوشت کہ سرمایہ کاری ءِ واستہ چاگرد سازگار اِنت، سرمایہ کار آناں رکھینگ ءِ پجارینگ بیت، کشت ءُ کشاری، وانگ ءُ زانگ، موسمیاتی بدلی ءَ ھوار جتا جتائیں شوبگ آنی تہ ءَ کمک ءِ واستہ مزنیں گنجائش است اِنت، پاکستان ءَ چمڑی ءِ چیز آنی جوڑ کنگ ءِ تہ ءَ مہارت است اِنت۔ چیئرمین سینیٹ ءَ گوشت کہ کثیر جہتی شوبگ آنی تہ ءَ کمک ءِ وسیلگ ءَ مردم آنی نیام ءَ رابطہ آناں دیمروئی دیگ ءَ کمک رسیت آئی ءَ سفیر ءَ را ایوان بالا ءِ کار ءِ کارروائی، ارزشت، ءُ آئینی کرد ءِ بابت ءَ ھم سرپد کت۔ پارلیمانی تک ءَ ڈل آنی بدلی وھد ءِ ضلورت اِنت۔پاکستان ءِ سینیٹ ءَ پاکستان ءُ سویڈن ءِ دوستی جوڑ کنگ بوتگ۔ آئی ءَ گوشت کہ آئی پی یو ءُ اے دگہ تک آنی تہ ءَ کمک جوان اِنت چیئرمین سینیٹ ءَ نودربر آنی واستہ اسکالرشپ آنی تہ ءَ گیشی ءِ سوج ھم دات چیئرمین سینیٹ ءَ سویڈن ءَ را نیٹو ءِ باسک بوھگ ءِ سر ءَ ھم مبارکی دات۔ آئی ءَ گوشت کہ اسلاموفوبیا ءِ گیش بوھوکیں رجحان ءِ سر ءَ جیڈھ است انت چیئرمین سینیٹ ءَ سویڈن ءِ سفیر ءَ را ملتان ءِ تر ءُ تاب ءِ دعوت دیگ ءِ وھد ءَ گوشت کہ ملتان یک راجدپتری شہرے ءُ ایشی ءَ چہ دمگی صنعت ءُ تجارت ءَ را دیمروئی دیگ بوت کنت۔ آئی ءَ سفیر ءِ واستہ نیکیں واھگ آنی درشان کت۔