مزن وزیر محمد شہباز شریف ءَ ترکیہ  ءِ رودراتکی دمگ ءَ یک ہوٹلے ءِ آتشزدگی ءَ چہ جانی بیرانی ءِ سر ءَ سکیں دلپدردی ءُ اپسوز ءِ درشانی

اسلام آباد۔21جنوری  (اے پی پی): مزن وزیر محمد شہباز شریف ءَ ترکیہ  ءِ رودراتکی دمگ ءَ یک ہوٹلے ءِ آتشزدگی ءَ چہ جانی بیرانی ءِ سر ءَ دلپدرد ءُ رنج ءِ درشانی کتگ۔ سئے شمبے ءِ روچ ءَ ٹویٹر ءِ سر ءَ جاڑی بوتگیں پوسٹ ءِ تہ ءَ مزن وزیر ءَ گوشت کہ ترکیہ  ءِ رودراتکی دمگ کرتالاکیہ اسکی ریزورٹ ءَ یک ھوٹلے ءَ بوتگیں آتشزدگی ءِ سر ءَ سک دلپدرد اِنت مزن وزیر ءَ وتی مھروانیں برات صدر رجب طیب اردوان ءَ گوں دل ءِ جہلانکی ءَ دلپدردی درشان کتگ۔ ترک راج ، ھاسیں رنگ ءَ غم ءِ آماچیں ھانداناں من وتی دلپدردی ءِ درشان ءَ کناں کہ آیانی نزیکیں مردم اے وئیل ءَ بیران بوتگ اَنت۔ مزن وزیر ءَ ٹپیگ آنی زوت جان سلامتی ءِ دعا ھم کتگ۔