وزارت مذہبی امور نا کنڈآن حاجی تا تربیت 26 فروری اسکان برجاسلک

اسلام آباد۔ 21 جنوری (اے پی پی) وزارت مذہبی امور نا کنڈآن مچ آملک اٹی حاجی تا تربیت ناچرجوئی برجاءِ ہرا 26 فروری اسکان برجاسلک۔ وزارت مذہبی امور نا ترجمان نا رداٹ سے شنبے نادے آ میر پور خاص و کوہاٹ اٹی حاجی تیکن ہیلکاری پروگرام اڈتننگا ہرافتے ٹی پنی آ عالم دین و تکنیکی عملہ حاجی تے تربیت تسر۔ حاجی تے مناسک حج انا ادائیگی سعودی عرب نا کانود و ہنکینی  ماڑی تیٹی ہنکین نا وڑوڈول تون اوار ایلو غٹ امور تیا سرجمی اٹ حوال تننگا۔ 18 جنوری آن بناکروک آ ہیلکاری پروگرام 26 فروری اسکان برجاسلک۔ حج ہیلکاری پروگرام نا ارٹ میکو سیشن روچہ مبارک آن پد مریک۔