پاکستان اٹی زرکاری کن چاگڑدسازگار ءِ، زرکارآتے رکھ فراوان کینہ، چیئرمین سینیٹ

اسلام آباد۔ 21 جنوری (اے پی پی) چیئرمین سینیٹ سید یوسف رضاگیلانی پارینے کہ پاکستان اٹی زرکاری کن چاگڑد سازگار ءِ، زرکارآتے رکھ فراوان کینہ۔ پاکستان سویڈن اتون تعلقداری تے قدر انا نظر اٹ ہرک، کثیر الجہتی بشخ آتیٹی کمکاری السی رابطہ غاتے مون آ دننگ اٹ کمکار مریک۔ سینیٹ سیکرٹریٹ نا کنڈآن جاری بیان نا رداٹ داخیال آتا درشانی ءِ چیئرمین سینیٹ سویڈن نا سفیر الیگزینڈراکانیل برخ اتون اسلام آباد اٹی اوڑدہی ٹی گپ وتران کرسا کرے۔ چیئرمین سینیٹ پارے کہ پاکستان سویڈن اتون تعلقداری تے قدر انا نظر اٹ ہرک، سویڈن تون سفارتی تعلقداری 75 سال آ تالان، دے پہ دے سوگو مننگ ءُ، جہانی فورم تیاکمکاری مثبت ءِ۔ یوسف رضاگیلانی پارے کہ زرکاری کن چاگڑد سازگار ءِ، زرکارآتے رکھ فراوان کینہ، کشت وکشار، تعلیم، موسمیاتی بدلی تون اوار چندی بشخ آتیٹی کمکاری کن بھلو گنجائشت اس ساڑی ءِ، پاکستان اٹی سِل انا مصنوعات آتا تیاری نا مہارت ساڑی ءِ۔ چیئرمین سینیٹ پارے کہ کثیر الجہتی بشخ آتیٹی کمکاری السی رابطہ غاتے مون آ دننگ اٹ کمکار مریک۔ اوسفیر ءِ سینیٹ نا کاریم نا وڑوڈول، اہمیت ،آئینی کڑد انا بارواٹی ہم معلومدار کرے۔ سید یوسف رضاگیلانی پارے کہ پارلیمانی کہول آ ڈل آتا ہن و براٹی ترندی اتنگ وخت انا اہم گرج ءِ، پاکستان نا سینیٹ اٹی پاکستان سویڈن فرینڈ شپ اس جوڑ کننگانے، پارلیمانی ڈل آتا ہن و برآن الس ءِ پین خڑک اتنگ اٹ کمک رسینگک۔ اوپارے کہ آئی پی یو و ایلوکہول آ کمکاری گچین ءِ، چیئرمین سینیٹ طالب علم آتیکن اسکالرشپ ءِ ودفنگ نا ہم سلاہ تس۔ چیئرمین سینیٹ سویڈن ءِ نیٹوکارکن مننگ آ ہم مبارکبادی تس۔ اوپارے کہ اسلاموفوبیا نا ودوک آ کچ آگڑتی ءِ، چیئرمین سینیٹ سویڈن نا سفیر ءِ ملتان نا دورہ ءِ کننگ نا سلہ خلسا پارے کہ ملتان تاریخی شار ءِ، ہندی صنعت و واپار ءِ مون آ دننگ کینہ۔ اوسفیر کن نیک است خواہی نا درشانی ءِ کرے۔