پاکستان غزہ ءِ نوک جوڑیشت ءِ پڑ ءَ وتی جوانیں کرد ءَ پیلو کنت، گوادر ملک ءِ دیمروئی ءِ ھاترا ٹوھیں ارزشت ءِ دار ائیت، مزن وزیر شہباز شریف

اسلام آباد۔21جنوری  (اے پی پی): مزن وزیر محمد شہباز شریف ءَ غزہ ءِ جنگ بندی  ءَ را  وش آتک  کتگ ءُ   گوشت کہ پاکستان غزہ ءِ نوک جوڑیشت ءِ پڑ ءَ وتی ھرچ وڑیں کرد ءَ پیلو کنت ءُ  گوادر ءَ را پاکستان ءِ دیمروئی ءِ واستہ سنگ میل لیک اتگ۔ پاکستان ءِ مزنیں بالی پٹ ءَ را وش آتک کنگ بیت مخلصی، محنت ءُ  ٹیم ورک ءِ گوما پاکستان ءِ معیشت ءَ را مھکم کنگ بیت سئے شمبے ءِ روچ ءَ وفاقی کابینہ ءِ دیوان ءَ گوں گشتانک دیان ءَ مزن وزیر ءَ گوشت کہ غزہ ءَ مزنیں ھون ریچی ءُ  تباہی ءَ پد  جنگ بندی جوانیں ھبر ات ، 42 رو چ ءَ رند ایش بوتگ۔ما دعا کنیں کہ اے جنگ بندی دائمی بہ بیت 50 ہزار ءَ چہ گیش فلسطینی مات، بانُک، پیریں مردم، ورنا، انجینئر ءُ ڈاکٹر ایشی ءِ تہا شہید بوتگ انت ءُ شہر تباہ بوتگ انت ما وتی فلسطینیانی حمایت کتگ۔ مئے برات آنی آجوئی ءُ  غزہ ءَ جنگ بندی ءِ ھاتر ءَ ما فلسطینی آنی کمک ءُ  ریلیف ءِ تہ ءَ وتی کرد ءَ پیلو کن ایں وھدے کہ نوک جوڑی ءِ پڑ بندات بیت اے مئے فرض اِنت کہ ما ایشی ءَ را پیلو کن ایں ۔ اللہ مزن وزیر ءَ گوادر بالی پٹ ءِ سرکاری آپریشنل کنگ ءَ را وش اتک کت ءُ  گوشت کہ اے منصوبگ چین ءِ نیمگ ءَ چہ 230ملین ڈالر ءِ ھرچ ءُ  درچ ءَ سرجم کنگ بوتگ پاکستان ءِ مزنیں بالی پٹ زانگ بیت اگاں ایشی ءَ را تجارتی بنیات ءَ چلائینگ بہ بیت۔  ایش بلوچستان ءُ   پاکستان ءِ معیشت ءِ ھاترا بے دروریں ھاسیں ارزشتے داریت۔ مزن وزیر ءَ گوشت کہ ھما مردم کہ پاکستان ءَ گوں دژمنی کن اَنت ءُ کوش ءُ زلم ءِ بازار ءَ را تیل دیگ ءَ اَنت اے گپ ءَ سرپد بہ بنت کہ اے کوش نہ ایوک ءَ بلوچستان ءِ اُلس ءَ را تاوان دیگ ءَ اِنت بلکینگ ءَ پاکستان ءِ اُلس ءَ گوں دژمنی ءِ پدّریں کارے ھم یک دوستے ءِ وڑیں۔ چین ءَ کہ اے سوگات پاکستان ءَ را گوں وتی مڈّیاں داتگ آئی ءِ ستا کنگ بہ بیت کراچی ءِ بندر پیسر ءَ چہ سک شلوار اِنت ءُ اودا ٹریفک سک باز اِنت۔ مزن وزیر ئَ گوشت کہ گوادر پاکستان ئِ دیمروئی ئِ تہ ئَ سنگ ئِ سنگ اِنت ایشی ئِ ھلاپ ئَ ھرچ وڑیں دیم پہ دیم بوھگ پاکستان ئِ ھلاپ اِنت۔ مزن وزیر ءَ ورلڈ بینک ءِ دراجیں مدتی شریکداری ءِ فریم ورک ءَ را وش اتک کت ایشی ءِ چیر دستی ءَ آیوکیں دہسال آنی تہ ءَ 20ارب ڈالر ءِ سرمایہ کاری کنگ بیت۔ مزن وزیر ءَ گوشت کہ موسمی مٹ ءُ بدلی ءُ چاگردی شوبگ ءِ واستہ اے وام مئے چاگردی شوبگ ءِ معیشت ءَ را مھکم کنت، مارا ایشی ءَ را وش اتک کنگی اِنت ءُ ایشی ءِ راہ ءَ اوشتاتگیں اڑاند آناں دور کنگی اِنت۔ آئی ءَ گوشت کہ آئی ٹی ءِ برآمدات ءَ کم کم ءَ گیشی بوھگ ءَ اِنت، دسمبر 2024 ءَ برآمدات ءِ تہ ءَ گیشتریں کچ (348ملین ڈالر) ءَ سر بوھگ ءَ اِنت، ایشی ءَ را وش آتک کنگ بیت۔ مزن وزیر ءَ آئی ٹی ءِ وزارت ءُ سیادی داروکیں واک آنی توسیپ کنان ءَ گوشت کہ مارا آئی ٹی ءِ شوبگ ءَ گیش دیم ءَ روگی اِنت۔ مزن وزیر ءَ گوشت کہ اقتصادی آشار آناں وش اتک کنگ بیت ءُ  اے گپ ءِ نشانی انت کہ ما محنت، مخلصی ءُ  ٹیم ورک ءِ وسیلگ ءَ پاکستان ءِ معیشت ءَ را مھکم کن آں ۔ آئی ءَ الیکٹرک گاڑی آنی ھوالگ ءَ وزارت توانائی ءِ سرجمیں پروگرام ءِ سر ءَ ھم توسیپ کت۔ مزن وزیر ءَ گوشت کہ اے سال ءَ زیارتی آناں گیش ءَ چہ گیش آسراتی پجاری کنگ بیت ایشانی جوانیں رنگ ءَ چار ءُ  بچار کنگ ءُ  رہشونی کنگ بیت۔ مزن وزیر ءَ خوارج ءِ بغاوت ءِ ھلاسی ءِ ھاترا داتگیں قربانی آناں شگر ءُ  منت پیش کنان ءَ گوشت کہ اے قربانی آناں ھرچ وڑیں احترام کنگ بہ بیت راج اے قربانی آنی قرض ءَ پدا دات نہ کنت۔