بیپاری ءِ وزیر جام کمال خان ءِ کمبوڈین سینٹ ءِ چیئرمین ہن سین ءَ گوں گندءُ نند

اسلام آباد۔21جنوری  (اے پی پی): بیپاری ءِ بنجاہی وزیر جام کمال خان وت کمبوڈیا ءِ سرکاری ترءُ تاب ءِ وہدءَ کمبوڈین سینیٹ ءِ چیئرمین ہن سین ءَ گوں گندءُ نندکتگ۔ گندءُ نندءِ تہا دونیمگی سیادی ءَ را ترندءُ محکم کنگءُ مزن گسی سفارت کاریءَ را گیش کنگءِ سرءَ  ھیالءُ لیکہ ءِ درشانی کنگ بوتگ۔  وزارت ءِ شنگ کتگیں جارءِ ردءَ گوستگیں روچءَ  بوتگیں گندءُ نندءِ تہا بیپاری ءِ  وزیر جام کمال خانءَ گندءُ نندءِ تہا پاکستان ءَ کمبوڈین سفارت خانہ ءِ جوڑ کنگءِ سوج داتگ تنکہ دوئیں ملک آنی  نیامءَ سفارتی سیادی ءَ را  گیش کنگ بہ بیتءُ بیپاری ءُ دودءُ ربیدگی  سیادیءَ را محکم کنگ بہ بیت۔ بیپاری وزیرءَ چیئرمین ہن سین ءَ را اولی یکجاہی بیپاری کمیٹی دیوان ءِ ہوالگءَ سرپد کتگ ءُ آئیءَ را پاکستان ءَ  بوھوکیں دیوان ءَ کمبوڈین کاروباری براتی ءِ گوما ہوار بوھگءِ داتگ۔ چیئرمین ہن سین ءَ دیمروئی کتگیں ملک آنی نیامءَ کمک ءِ ارزشت ءِ سرءَ زور پِر داتگءُ گشتگ کہ  دیمروئی کتگیں ملک آناں یکے دومی ءِ پائدگ ءِ ھاترءَ یکجاہ ہوار کنگ کنگ لوٹ ایتءُ دونیمگی بیپاری ءَ را گیش کنگ لوٹ ایت۔ جام کمال  خا ن ءَ گشتگ کہ پاکستان ءَ زوت کمبوڈیا ءَ وتی بیپاری سیکشن ءَ پچ کنت تنکہ  بیپاری   سیادی ءَ را گیش کنگ بہ بیت ءُ بیپاری  براتی ءِ نیامءَ کمک  گیش کنگ بہ بیت۔ چیئرمین ہن سینءَ پاکستان ءُ کمبوڈیاءِ نیامءَ  دونیمگی ٹیکسءِ منءُ گرءِ سرءَ چارءُ بچار کنگءِ سوج داتگ  کہ دوئیں ملک آں کار کنوکیں بیپارآنی  ھاترءَ ٹیکس ءِ  رکاوٹ آں ہلاس کنت ءُ  زرکاری ءَ را گیش کنت۔ اے گندءُ نند پاکستان ءُ کمبوڈیا ءِ  سیادی ءَ را گیش ترندءُ محکم کنگءِ نیمگءَ یک حاسیں  گامے، دونیں باسکاں سفارتی، اقتصادی ءُ مزن گسی کمک ءَ را گیش کنگءِ جزم ءِ درشانی کتگ۔