بیجنگ۔ 15جولائی (اے پی پی) چین لیو شیاباﺅ نا بابت راہشون تا غیر زموارانہ بیان تیا امریکہ، جرمنی و گڑاس پین ملک آتون اوار اقوام متحدہ آن باقاعدہ غاو کرینے۔ جہانی ذرائع ابلاغ نا رداٹ بیجنگ اٹی وزارت خارجہ نا ترجمان پارے کہ ہر ملک ئِ داہیت انا خیال ئِ تخوئی مرے کہ انت پاننگانے و دیراس پارینے۔ نوبل امن انعام یافتہ لیو بیجنگ حکومت نا اسہ ناقد اس ئس۔ بھلو وخت اسے نا ناجوڑی نا سوب اودے ساڑی ہی ٹی جیل آن یلہ کننگاسس۔ اونا کزیت آن پد جہانی راہشون تا کنڈآن اودے خراج عقیدت پیش کننگ نا چرجوئی برجائِ۔
