گوادر۔ 20 جنوری (اے پی پی) وزیر دفاع و ہوابازی خواجہ محمد آصف پارینے کہ نیوگوادر انٹرنیشنل بالی پٹ ملکی زرگزران اٹی بدلی نا سوب مریک، پاکستان نا ہوابازی نا تاریخ اٹی دااسہ اہم ءُ موقع اسے، سی پیک اٹی شمولیت آن پد گوادر شونداری نا کنڈآ ہِننگ ءِ، واپار و سیل و سوات نا مون آ دننگ کن گوادر اہم کڑد ادا کیک، دا ڈٹ عظیم سرسہبی تا …
نیوگوادر انٹرنیشنل بالی پٹ ملکی زرگزران اٹی بدلی نا سوب مریک، گوادر شونداری نا کنڈآہِننگ ءِ، خواجہ محمد آصف
گیشتریں ھال
گوادر۔ 20 جنوری (اے پی پی) وزیر دفاع و ہوابازی خواجہ محمد آصف پارینے کہ نیوگوادر انٹرنیشنل بالی پٹ ملکی زرگزران اٹی بدلی نا سوب مریک، پاکستان نا ہوابازی نا تاریخ اٹی دااسہ اہم ءُ موقع اسے، سی پیک اٹی شمولیت آن پد گوادر شونداری نا کنڈآ ہِننگ ءِ، واپار و سیل و سوات نا مون آ دننگ کن گوادر اہم کڑد ادا کیک، دا ڈٹ عظیم سرسہبی تا اسہ یکتاءُ درور اسے ہراڑآ نن غٹ گمر کینہ۔ داخیال آتا درشانی ءِ او نیوگوادر انٹرنیشنل بالی پٹ نا آپریشن لائزیشن نا وخت آ اڈ ہلوک دود آن تران کرساکرے۔ داکان مست وزیر دفاع و ہوابازی پی آئی اے نا اولیکو جہاز انا کمک اٹ گوادر آ سرمروک آ مسافر آتے جم جوش اٹ بخیرکرے۔ گورنر بلوچستان جعفرخان مندوخیل، وزیراعلیٰ بلوچستان میر سرفراز بگٹی تون اوار وزیردفاع و ہوابازی خواجہ محمد آصف مسافر آتے پھل پیش کریر۔ بیابخیری آن پد اسہ پروقار ءُ دود اسے آن تران کرسا خواجہ محمد آصف پارے کہ نیوگوادر جہانی بالی پٹ انا آپریشنلائزیشن نا موقع نئے بیرہ پاکستان نا ہوابازی نا تاریخ اٹی اہم ءُ مزل اسے نا حیثیت تخک بلکن ننا ملک انا شونداری و پیش رفت نا عزم ءِ ہم ظاہر کیک۔
